Tedim peng chungah a ummi Mytel Tower 3 cu PDF-Zoland nih September 9,10 le 11 ah an hrawh tiah PDF-Zoland sinin theih a si. An hrawh mi Mytel Tower hi Tedim khua luhnak, Kanedi tlang le Khaikam pawng ah a ummi hna an si.
A dang:Ayeyarwady Bank Tangka A Firtu Kan Tlaih Dih Cang Hna, Tangka Zong Kan Lak Than Dih Tiah Ralhrang Nih An Thanh! Pago ramthen Bulaylin (ဘူလယ်အင်း) khua pawngah Ayeyarwady bank tangka phawrtu mawtaw cu Sept 13 ah khan Motor PK le palek thuam aa hrukmi mining 7 nih an kham i tangka sing thongsawmli an fir.
Tangka firtu hna cu an kawl colh hna i Pago khuapi chung lila ah tlaih an si, tangka an firmi vialte kan lak pinah an i kenmi hriamnam zong kan chuh khawh hna tiah ralhrangbu nih an thanh.
Tangka a firtu cu nu 4 le pa 3, an dihlak 7 an si. An i kenmi hriamnam a thuhpiaktu phungki nu pahnih zong tangka firnak he an i pehtlai tiah ralhrang cathanh ah an langhter. Nawlngeihnak lak hnuah bank luhhnawh i tangka laknak hi Rangoon i Global Treasurer bank ah voihnih, Shan ramkulh Kyaukme (ကျောက်မဲ) pengah voikhat le tutan hi an si tiah BBC nih a tial.
A dang: Myiangmyah ah PDF Nan Si Tiin Civil 3 Ralhrang Nih An Tlaih Hna. Yangon in Myiangmyah ah a rak tlungmi mi sawhsawh 3 cu PDF nan si ko tiah September 13 zaan suimilam 9:30 pm ah Myaingmyah khualuh hauka chek gate ah ralhrang nih an tlaih hna tiah theih asi.
“Rian herh ah Yangon in a rak tlungmi Maingmyah khua Kaankaw sang ummi Ko Wai Mon Kyaw( Naing Win), Ko Win Min Aung (Thar Gyi) le Yangon in Ko Myo Lwin Oo( Myo Gyi) hna cu Kayin ram ah ralkap training nan kai ko tiah ralhrang nih hramhram in an puh hna i an tlaih hna hi a si. Mah tein rian herh ah a rak tlung komi Ralkap training zong an kai lo. Hlan deuh balte ah lam zawhnak ah an i tel ve tawn dalaan pawl nih lih le lih in thawng an thanh hna caah an tlaih hna hi si theo lai” tiah tiah khuami pakhat nih a chim.TCP
Leave a Reply