George FLoyd Thihnak Nih Hi Thlennak Mak Taktak Hi A Chuahpi Te Ko Lai

Zasang Cinzah- GF thihnak nih zeibantuk thlennak/change dah a chuahpi lai? Anmah Minneapolis ahcun City council pawl lakah Police department hi hrawh/disband tuah ding a chim cuahmahmi an um. Police Department hi hloh/abolish tuah tak hna sehlaw zeidah a lawh hnga? A safe deuh lai maw?

– GF thahtu tiah puhmi DC cu June 8 ah Court ah a chuak lai. Nihin tiang ahcun zeibantuk lungput he dah a khuk in GF hi a nam timi hngalh a si lo. Minak si ruang ah maw? Thih dingin maw a nam hram? Hngalh a si lo.

– US ahhin “Systemic Racism” a um rih ko timi le a um ti lo timi karlak ahhin bia-alnak fakpi in a chuahter. Minak tampi nihcun “Systemic Racism” hi a um an ti. System hrim in namneh, thlanglamh kan si rih ko tiah a ruatmi an um rih.

– Systemic Racism a um a timi hna nih zeidah an langhter? Minak nakin Mirang an “rum” deuh. Rian ah mirang nak in minak hi “reject” an tong deuh. Misual ciocio ah mirang nakin minak hi tlaih an tong deuh. Innhlangnak zong ah minak nakin mirang an “hlanh” duh deuh hna tbk hi tampi an chuahpi. Asinain, keicu hitihin ka hmuh. Mirang cu an pipu chan in “ro/inheritance” tampi an ngeih caah an “rum” deuhnak hi a si kho, ka ti. Rian/employment ahhin Business ownner ka siter hnik i, a fel deuhmi an duh cu an mawhlo ka ti tthan. Housing le a dangdang zong ah mitha cu duh deuh cio a si ko, ka ti. Cun, misual/criminal cio zong ah minak hi tlaih le thongtlak an tam deuh an timi hi a dik ngai. Minak hi an ‘violent ” deuh ruang ahhin tampi aa tel lai tiah ka zumh fawn.

– Cucaah, “racism” kong kan chim tik ahhin “ziaha/attitude” ruang ah remhlonak le skin/race ruang ah remhlonak hi kan thleidan/distinct a hau pah ko, ka ti. Minung pakhat hi a ziaza/attitude kan remlo hi, racist a si maw? ti hna hi tuaktan ngai a hau, ka ti.

– Conservatives lei nihcun US ahhin “Systemic Racism” hi a um bak ti lo an ti. Minung pumpak cung tu ahcun a racism mi an um ko, an ti. Apple tampi lakah a thumi cu a um ve hrim. Police force lak zong ahhin a thumi apple bantuk hi an um cu, cu pawl cu hlawnh ding hrim an si, an ti ve. US ram ah Racism kong a lar tukmi hi Liberals pawl nih “Racial Card” an play tuk caah a si tiah a cheu nihcun an puh ve hna.

– Minak lak ahhin tampi nih namneh/oppressed kan si lo. Kan free ko. Kan duhmi paoh kan tuah khawh ko. Kanmah pumpak teirialnak cungah zei paoh aa hngat tiah an ti ve. Liberal pawl nih anmah liberal peng vote ding in “namneh” nan si an kan ti ruang ah namneh ah kan iruah ding a si lo. Mahhi Brainwash a si. Namneh ka si timi lungput/”Victim mentality” hi ngeih ding a si lo. Cuticun kan thangchonak a dawn tuk. I hlauh cang u’ an ti ve hna.

US ahhin police Department hi hloh tak hna sehlaw zeidah a lawh hnga? Tih a nung chinchin lai maw aor a safe deuh lai dah? US ram khuakip ahhin pistal i put in “damiah” aa tuanmi/ gangster lak ahhin minak an tam. Miphun dang zong cu an um ve ko nain, cucaah, Police force hi hloh hna sehlaw, kanmah Chinmi telh in damiah pawl an lawr tuk lai maw?

 141 total views,  2 views today

This function has been disabled for Chin 11 News.