George Floyd Thihnak Kong Le US Buaibai Nak Kong Ah Pope Francis Nih Hi Ti Hin A Chim

Tulio US ram a buaiter tu minak George Floyd  thih nak kong he pehtlai in Pope Francis nih a chim mi cu miphun thleidan nak le miphun nautat nak hi cu mizei hmanh nih mitchimh in um sawhsawh kho a si lo tiah tuchun June 3 ah khan Pope Francis nih cun a chim.

Pope Francis nih George Floyd lungfak ngai le ngaihchia ngai in a nunnak a liam hnu ah US ramchung ah miphun daihnak a um kho ti lo i US ram chung mi vialte thinphang le lungrethei in an um dih mi ka hmuh tikah keizong ka ngaihchia tuk ve tiah zong a chim.

Pope Francis nih a chim rih mi cu zeibantuk dirhmun le sining zong in a si ah miphun tleidan nak, miphun remlo le nihsawh nak hi cu um hrim hlah sehlaw minung vialte hi kan dihlak in tlukruan nak le sinak kan i khat dih ko tu mi lungput kan ngeih khawh hi a biapi tuk e tiah zong a chim hi a si.

George Floyd a thih hnuin US ramchung cu minak pawl nih faktuk in buainak an chuah pi, minung thinphang in an chiah hna, thilri an hrawh mi le an fir mi zong a tamtuk cang caah hihi ram rawhnak hrampi zong a si tiah Pope Francis nih cun a chim. George Floyd a thihnak ruangah minak miphun vialte hna le lungkuai ngaihchia in a um mi vialte hna an caah thlaza ka cam piak hna tiah zong Pope Francis nih cun a chim.

Ref: DVB

 221 total views,  1 views today

This function has been disabled for Chin 11 News.