Gen. Colin Powell: Trump hi phunghram lengin a um mi asi

Gen. Colin Powell hi US ralbawi ngan taktak a rak si i US mipi nih an tihzah ngai mi a si. US ram caah nunthap bakin ral a rak tu ve mi pasal tha taktak a rak si. Asinain a kum a tlin ve cang caah pension a la ve cang.

Gen. Colin Powell nih cun President Trump hi US nih kan ngeih mi phunghram leng in rian a tuan mi asi caah US mipi kan fim ngai le kan i ralrin ngai a herh a ti. Nai teah minak pa thih nak kong zong ah khan Gen. Colin Powell nih President Trump cu fak ngai in a mawhchiat pinah lamzawh mi mipi pawl cu a rak dirkamh ve hna.

Cun Gen. Colin Powell nih Covid-19 pulrai kong zong ah President Trump nih thithruai ning le zohkhenh ning a thiam lo caah kan ram chung mipi nunnak tamtuk a liam phah nak hi a si tiah a chim rih. Gen. Colin Powell nih CCN media sinah a chim mi cu “kan sining hi a chia chin lengmang cang, cu ruang ah US ram mi sinak a ngei mi paoh nih cun kan thut in kan ruah ngaingai a herh cang. US mipi hna mah hi keimah caah a tha ding a si maw ti hi rak ruat cang uh” tiah zong a chim.

Gen. Colin Powell nih hi kong a chim mi hi President Trump nih Tweeter hmang in a rak soisel mi ruang ah lehnak arak tuah mi a si i “Gen. Colin Powell nih hngilh thupa Joe Biden vote a timh tiah ka theih” tiah President Trump nih cun a rak tial mi ruang ah a si.

Hi tluk in US ramchung minung thong tamtuk nih lamzawh nak in duhlo nak langhter le buaibai nak hi ka nunchung ah ka voikhat hmuh nak asi, hi nih a ka ruah ter mi cukan ram nih fimnak mit kan au a herh cang, cun hi bantuk thil a tlung ti nak hnga lo ah kan lungfim nak cawnpiak tu a si lai ti hi a si tiah Gen. Colin Powell nih cun a chim.

Gen. Colin Powell nih President Trump cu ram hruaitu si ding ah atlak ti lo, kan ram nih kan ngeih mi phunghram le phunglam a zul lo. Phunghram kan ngeih mi cu kan upat in kan zulh a herh tiah a ti.

Source: dailynews.com

 176 total views,  1 views today

This function has been disabled for Chin 11 News.