Kawl ralkap hi minung 500 leng kan thah cang hna tiah zaw myo nih a tar i a dik lo tiah a chimmi an tami mah an thahnak hna hi Gangaw peng le Magwe hrawng ah a si i cu zakazak cu an thi lo tiah Sawikung nih a leh. A mah belte tampi an thah ko hna i an i kahnak hmun zong hi a tamtuk cang SAC ralkap hi tamtuk te cu an thah hna i Gangaw peng le Magwe ramthen ah cun a si lo tiah a tar ve. Mah cu zat kan thah hna an timi hi pumpak an hmuh ning le an ruahdamh mi a si i PDF nih official in 500 leng kan thah hna tiah an thanh lo. Aung Ha Tun
Ralhrang tamtuk an thah hna mi zong hi Ralkap lei nih thawng an zamh ningah cun minung tlawmte lawng an thi rih tiin an zamh asinain Sagaing ramthen chung lawng ah SAC ralkap a thi mi hi minung a thong leng an si cang lai tiah an zumh a si. Chinram koko hmanh ah SAC ralkap hi minung 300 leng hrawng an thi cang lai tiah ruah a si.
Kahdohnak a zualhmanak le a temtuar mi a tam u mipi cu Sagaing ramthen an si tiah an langhter Karen ram le Kachinram ah hin kahnak a chuak pah ko nain Sagaing ramthen tluk in a chuak lo i Ralhrang hi an thi hna lo.
Sagaing ramthen ah kahdohnak a chuak hnu in mipi a thimi le ral zaam dirhmun in a um mi hna hi minung a ting leng kai pi an si. Cu hmanh ahcun a luancia thlakhat le a cheu hrawng ah khan mah hi Ralzaam zohkhenhnak le tuanvo ngeitu pakhat sin in a chim mi a si.
Leave a Reply