April 7 zinglei sml 7:00am hrawng in zaanlei sml 6:00pm leng tiang kahdohnak a fak i SAC ralkap lei 15 an thi CDF-Mindat hriamtlai 1 aa hliam tiah CDF-Mindat nih a thanh.
Kahdohnak a chuah ni zaan ah SAC nih Jet in voi 8 bom a thlak tiah an langhter.
Cun April 10 zaanlei sml 6:00pm hrawng zong ah Mindat he meng 9 aa hlatnak zong ah kahdohnak a chuak ṭhan i SAC lei 3 an thi tiah theih a si.
SAC nih April 11 zaan sml 7:46pm ah Jet Fighter 2 in bom voi 4 a thlak caah phungki sianginn, mipi inn 1 a rawk tiah theih a si.Crd…TCP
Relchap>>>>Kalay In A Kaimi SAC Ralkap 200 Chungah 40 Hrawng Lawng An Taang – Salai Htet Ni
Kalay in a rak kaimi SAC ralkap 200 hrawng le Tank 2 telh in leilawng 30 hrawng cu Chin ralkap nih lamhruang in atu le tu kan kah hna i, SAC ralkap 40 hrawng le leilawng 10 hrawng lawng an taang cang, tiah CNA chimphuannak nawlngeitu Salai Htet Ni nih a chim.
April 11 nikhat chung lawng ah Chin ralkap nij leilawng 8 an chuh hna i, April 11 tiang ah leilawng 13 an lak cang, tiah theih a si.
“Nihin April 13 chun zong ah Chin ralkap le SAC ralkap kar kahdohnak a chuak i, an leilawng vialte cu an rawk dih cang tiin an kan chimh. An phorhmi thilri vialte zong kan hrawh khawh dih. Kan theih ning ah Tank pakhat zong a rawk cang,” tiah Salai Htet Ni nih cun a chim.
“SAC ralkap Kalay in an rak kai lio ah 200 an si tiin kan theih. Atu hi 40 hrawng lawng an taang lai, tiah kan zumh. A dang vialte hi an thi dih tinak si loin hliamhma a pumi le a thimi he 150 hrawng an si lai. Nihin zinglei, Chuncung khua i Chin ralkap le SAC ralkap kar kahdohnak a chuakmi ah Jet Fighter nih bomb a thlak nain Chin ralkap lei a hliammi an um lo,” tiah Salai Htet Ni nih cun a chim chap.Crd… TCP
Leave a Reply