French Ram Prime Minister Pakhat Le A Kuttang Mi Vialte An Rian In An Phuah Dih Hna

French ram ah Prime Minister a si mi Prime Minister Dr. Edouard Philippe le a kuttang mi vialte hna cu an rian in dinhter le an sining lakpiak dih an si cang tiah tuzing ah French President Emmanuel Macron nih thawngthanh nak a tuah cang.

Rian phuah a tong mi Prime Minister Edouard Philippe hi French ram ah cun President nak in mipi nih an duh deuh mi le an uar deuh mi a si caah French ram hi kum 3 chung a hruai ve mipa a si. Kan hnu deuh te ah khan caan karlak thimnak an tuah mi ah “La République En Marche – Republic on the Move” an result a tha tuk lemlo.

Cu ruang ah Prime Minister Edouard Philippe hi rian phuah ding in President Emmanuel Macron he tonbiaruah nak an ngeih hnu ah amah lawng hmanh si loin a riantuan hawi le a kuttang mi zong an rian in dinhter le puah dih hi an si nak a si.

Prime Minister Edouard Philippe hi a rian in phuah a si ko cang nain French ram nih cozah thar an ser khawh hlan chung paoh cu amah nih a ser mi cozah ning in kal a si rih ko lai. Prime Minister Edouard Philippe hi a rian in phuah si hlah sehlaw French ram nih cun President si ding hmanh ah an duh ngai mi pa a si.

Source: Daily Sabah

 150 total views,  1 views today

This function has been disabled for Chin 11 News.