Franklin Graham Nih President Trump A Dirkamh Nak Kong A Langhter

Sandah piahtu hna nih an khanghmi, St.John Church ah President Donald Trump a kal i bible a put ruangah micheu khat nih an soisel nain Evangelist minthang Franklin Graham nih President Donald Trump cu a dirkamh colh. Franklin nih a Facebook ah a tialmi cu, “President pakhat nih biakinn ah bible a ken i, a kha thil sual a si lo, kan i lawmh dingtu a si. Pathian bia lawnglawng hi mi vialte ca le kan ram US caah ruahchannak a umter tu a si. Atu kan tonmi buaibainak hi thlarau le ziaza lei in kan chambau ruangah a si. Mah vialte a thleng khotu cu Pathian bia bible lawnglawng a si.

“Pathian ka zum a timi cheukhat hna le media cheukhat hna nih Kan President pakhat nih baiak inn ah kal in bible a kenmi an soisel ka hmuh tik ah ka zumh kho hrimhrim lo, ka khuaruah lei a har. Soisel cu chim lo, an thangthat i an lawmh dingtu a si. Soiselnak in thla tu an cam piak deuh ding a si. Churh hruaitu hna nih an sawm than i, atu bantuk kan ram nih fahnak a ton lio caan ah kan ram tha tein a huai khawnak dingah thla an cam piak dingtu a si.

Khirhfabu kip in Pastor vialte, ram hruaitu vialte nawl kan duhmi hna cu kan kut i tlai hna usih law kan thinlung dihlak in kan ram caah thlacam ti hna usih. Pathian nih kan ram hruaitu vialte, kan khuabawi vialte, kan govenor vialte, a kan vengtu palek vialte, ram hruai thiamnak pe hna seh. Pathian bia pakhat lawnglawng hi kan ruachannak le kan damnak a si. Atang lei bible cacang te hi nizan FB ah a tial chihmi a si.

“Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih. [ Hebrew. 4: 12 ]

Franklin Graham cu Billy Graham fapa a si.

[ A dikdiar in lehmi a si lo, a tawifiannak tu in lehmi a si. A dikdiar rel duhmi nih cun a FB ah rel khawh a si. ]

Catialtu: Salai Lairamthang

 248 total views,  1 views today

This function has been disabled for Chin 11 News.