France Ram Le Israel Ram Nih Tuchun In Phihkhar Nak Tuah An Timh Cang Mi Hna

Tulio zawtnak tihnung mi ruang ah vawlei cung ram kip hna zong lungrethei le thinphang ngai in an um cio hna I Pope hmanh nih pumhnak caan hmang rih lo ding in thawngthanh nak a tuah cang hna. USA ah a um mi hna Zophei khrihfabu zong chun pumh nak caan ngeih khawh rih loin online tuin kan I pum chung hna lai tiah thawngthanh nak an I tuah ve hna.

Cu ve bantuk in France ram ah President nih thawngthanh nak a tuah ve mi hna cu tuchun (Sunday) thok in cun rawl dawr (restaurant), Café dawr le saram an chiahnak (zoo) vialte phihkhar chung dih ding a si cang lai tiah thawngthanh nak a tuah ve cang. Asinain facang zuarnak dawr, bank le siizung pawl cu kan nunnak caah a biapi tuk mi an si caah phihkhar a si rih lai lo. Cun sianginn vialte khar dih an si cang caah hmunkhat/bukhat ah minung 100 nak tamdeuh zeitik hmanh ah nan um ti lai lo tiah thawngthanh nak an tuah.

Cu ve bantuk in Israel ram zong nih thawngthanh nak an tuah ve mi cu tuchun (Sunday) thok in cun rawl dawr (restaurant), Café dawr le saram an chiahnak (zoo) vialte phihkhar chung dih ding a si cang lai tiah thawngthanh nak a tuah ve cang tiah thawngthanh nak an tuah ve. Israel ram ah cun tulio hi hmunkhat ah minung 10 nak tamdeuh um ti lo ding in thawngthanh nak an tuah hna.

Hi thawngthanh nak an tuah mi hi tuchun (Sunday) in biatak tein an zulh ding mi pawl an si hna caah thawngthanh nak nawl a ngai lo mi paoh cu fak piin dantat nak an tong lai tiah zong an chim chap hi a si.

Ref: Fox News

 248 total views,  1 views today

This function has been disabled for Chin 11 News.