Film Star Minthang Deepika Padukone Cu Ritnak Sii Ruangah Thonginn A Ruah Hlan Ah A Panh Lai Tiah Chim A Tong Ngai

Bollywood actress milar a tulio i a min a thang ngai mi Deepika Padukone cu Drug (Sechoh) rit nak sii kong ah (NCB) an kawh cang i, a shooting neih nak hmun Goa in Mumbai khuapi cu a khan cang tiah theih a si. Mah Nu hi a hlan deuh pi in Drug pawl hi a tawng mi a si tiah a maneger nu nih a chim.

Deepika Padukone hi Goa a um lio ah hi thawng theih in a pasal Rambir Singh nih a fa fuk i, Deepika Lawer minung pa hlei hnih zeitin dah NCB biahal nak hi ka leh hna lai tiah ruahnak a hal hna tiah an chim. A pasal nih hin NBC cu kan nu hi zawtnak dam lo nak a nei mi a si caah bia nan hal chung cu a sin ah ka thut pi lai tiah a hal hna.

A tulio ah cun Star minthang bik pawl a si i, a lar lio pi a si caah a mah a thei tu hi India mipi lawng an si lo, vuleicung mi a tam u nih an theih mi a si caah lih chim in maw a hmai a phiah lai, a si lo ah hi drug ritsi hi kei mah lawng nih ka tawngh mi a si tiah dik a chim lai. hi thawng hi BBC le ramchung media pawl nih an ngai cang lio pi a si.

Deepika Padukone nih cun a maneger nu hi, bia na chim tik ah tampi na chim lai lo, drug le rit nak kong a si caah a theih lo um in na um ter lai tiah a chimh nak phone call vialte cu NCB nih an theih dih cang i, Deepika hi caan tawi maw caan sau dah thonginn ah a um lai tiah rampi minung nih an cawnh lio pi a si.

 59 total views,  1 views today

This function has been disabled for Chin 11 News.