Film Cang Thiam Akshay Kumar A Sum Kho Ti Lo Caah Bollywood Industry Kongah A Thlak Ve Cang

Bollywood actor lemcang thiam Akshay Kumar nih a tu lio India Bollywood chung i Sii tha lo le Rithai nak kong ah, caan saupi hloh loin a um i, a sum kho ve ti lo caah a van i thlak ve cang. Rithai nak hi a tawng mi zong an um ko lai cucu ka chim kho nain a tawng ve lomi tam tuk nan kan hnursung tiah a chim.

Cozah nih hi rithai nak kong ah biabak te i hma an lak mi cungah ka lawmtuk, hihi a dihdongh tiangin tha te i an buaipi a hau i biatak tein an dothlat a hau tiah a chim. A ngaingai tiah cun hi kan film nih hin vulei cung ah India kan si ning a langhter tu a si caah hihi kan i fimkhur a hau i, ramdang mi tampi nih mah bantuk i an kan hmuh ding hi zoh a chia ngai tiah a chim.

Tutan Sushant Singh thihnak kong ah bollywood chung cu biatak tein a min a chia i, hi thihnak kong ah hin kan thin a hung cio hna i, kan ngeih zong a chia tiah a chim. mah bantuk Industry hi cu hmundang zongah Sii le ritnak hi tampi a um ko, kan nih bollywood chung zongah an tong lo ka ti lo nain minung tlawmte fimkhur lo ruang i midang vialte mawhchiat hi cu a si kho lo tiah a chim.

 

 

 

Media i thil an ti khawh ning hi ka fiang tuk mi a si i, a caan lio bak i thil an chuah hi thiltha a si , a ruang cu midik le mifel nih dinnak an hmuh tawn. Asinain media pawl hi zaangfah nawl ka duh mi hna a um, an thil tuah mi hi fimkhur tein chuah hna sehlaw, cu a si lo ah cun bia kakhat nih hin thil tampi a chiatter khawh caah fimkhur deuh in thawng hi kan thangh hna awk a si tiah a chim.