Fiang Taktak In Rel Hna Usih: RAM PUMPI siloin CHIN NLD

Chinram NLD nih tthancho nak pawl an tuah mi a ttha mi tampi a um ko. Cubel te keimah nih ka uar lo ngai mi cu khua pakhat ca ah phaisa a tla cia mi khua dang ah ttial an hman mi cu ka uar lo taktak mi a si.

MP Bawi Khing nih a facebook ah a chiah mi kha nan bih pah lengmang ve cio ko lai dah. Zephai le Tluangram kar La-aw hlei an donh mi kha Cozah nih theih pi lo mi a si ti theih khawh a si hlei ah MP Bawi Khing zong nih Pu Za Mang nih a cawh mi a si i Cozah ah theihpi nak an tuah rih lo mi a si a ti. Rampi theih lo mi lampi hlei cu rampi phaisa ting 3000 dih in an dawnh ko. ( MP Bawi Khing facebook Video an chiah mi an hlawnh tthan cang rua ka hmu ti lo).

Tluangram le La-aw kar(Vawngtu lei lampi) lampi mile 5 caah MP Bawi Khing nih a hal mi MP Ni Sui Lian nih hmun dang ah a ttial ko. MP Bawi Khing nih a theih tthan i a chim mi a si. MP Bawi Khing nih zei ca dah tar pi ka hal ka hal i hitin nan tuah tiah a chim tik ah Mile 3 kan in ruah piak tthan hna lai an ti tiah MP Bawi Khing nih a chim. A ni tak ah mile 2 long an cawh ko.

Vawngtu Lungsamat nel Ti pipe caah ah ting thawngkhat le ting zaruk( ting 1600) Cozah nih a pekmi ah ting zariah(ting 800) long an pek hna i a tang mi Tikir lei an ttial ko. Cu kong cu Robin nih a chim mi kha Za Tlem nih a chim chin ve. Cu ruang ah Henry Van Thio nih Robin Zathang phone a chawnh kei mah tthial mi a si lo, An ttial zong ka thei lo a ti. Vawngtu cu ting 800 long an pek ko hna.

Pu Zo Bawi nih Vawngtu lampi caah a chuak mi phaisa Zephai lampi cawhnak ah a hman. Robin Zathang nih a va tawn i Ar ek neh in neh cha cun Zephai Lampi kan cawh hmasa hna lai. A hnu ah Vawngtu lam pi kan cawh tthan te ko hna lai a ti ko.

Vawngtu khuami an ngei a chia ngai ngai. Mino deuh nih Media ah kan phozar lai an ti nain kan upa te nih an duh lo, holh hlah u thimnak tik ah a puang dih te ko lai an ti caah an holh ve ti lo..An dai ve.

Source: Jonh Tom

 285 total views,  1 views today

This function has been disabled for Chin 11 News.