Federal & Self-Determination Lakpiak A Kan Timtu Nih Contract Tamnak Hmun An I Cuh

Catialtu: Salai C Alexander 

Ka van taar lawng hmanh khin ai fiang pup ko. Peh hau loin ngol khawh si. 😄😄😄

Thantlang in Lairam Daw Biktu lutlai nih contract umnak hmunhma cu kianh a duh te a duh bak hna lo. An nu hmanh nih a aupi, ti si.

Kan ṭial a lang tuk lawmmam i peh ngam zong si tak lo e. A poimi pakhat cu, Chin miphun caah ti in a au lengmang vemi Salai Ceu Bik Thawng nih “Ziah Federal le Self-determination theipar a ṭawh khawhnak ding hmun lei ah rianṭuan cu ai timh ve ne lo?” ti khi si hnga…

A bawnbok le a mantat rumro kan si ko rua hna. 2020 hin cun Chin State lei ah lamcawh le innlo sak ding contract tam te dawh si ko rua hih. Hi bantuk ramkhel phun hi U Nu chan Lairam ramkhel thlihran bakte a si. Chan tamtuk ah kan kir.

Cucu, a poi ngaimi a si. Chin Party cu Chin miphun paoh nih ṭanpi duh ciomi a si. Kanmah ta ah an iruah cio. Mah ta ah iruahmi party a si caah ithlak cio an duh. An ithlak cionak cu an miphun le ram an tlaihchan cio caah si ko. Cuti von ithlak lulh cio tikah khin, hruaitu hna dirhmun khi a lang tawn. Zei bantuk dah a si, zei lungput dah a ngeih, zumhtlak si lai maw, tbk tiangin hliah khawh an si.

Kan isualsam thluahmah rih ko hna lai. “Kai tlak deuh rih lo hita” ti in mah le mah an ihngalhnak, fimchimtu ah cang hram te seh.

 148 total views,  1 views today

This function has been disabled for Chin 11 News.