Federal Kutka Number 261 Cu NLD Nih A Khar Ve Cang. Laimi Kan Cem!

Khuaruahhar bak asi ko cang. Cun ngaihchia tuk ding zong kan si cang. Tutan Union Hlutdaw i Phunghram remh cu punghman timi amah kel peng asi rih ko. NLD nih Thlen an duhmi Democracy phung Article cu Ralkap le USDP nih an duh lo caah NLD cu col kholo in a sung bak ko. Cuve bang in USDP nih Federal phung Article 261 remh a duhmi cu tuchun ah vote an thlak ve cang. A kanhkuat tu 388 ansi caah NLD MP dihlak nih an duhlo tinak asi. Nanmah lawng maw kanhkuat thiam kan thiam cio tiphun in lehrul an cham hna ti awk in aum.

261 remh ahcun Ralkap le USDP nih State CM an tuan lai cu teh tiin NLD lei nihcun an chim tawn. Ruah setset ahcun cu bantuk ruahnak cu Democracy he aa kalh bak mi asi. State level ah USDP nih vote teinak a hmuh ahcun CM zong a tuan ve awk asi ko. Mitam deuh nih an thim mi asi ahcun USDP zong nih a tuan awk asi ko.

Cucupei democracy tiah nan aupi lenmi cu asi lo maw. Union level Hlutdaw zongah Vote tamcem a hmu mi nih President an tuan ve bangin State level Hlutdaw zongah vote tamcem a hmumi nih CM cu an tuan awk hrimhrim asi ve ko. 2015 Shanram hlutdaw zok tik ah 261 hi remh rak sisehlaw USDP nih CM an tuan lai tiah NLD nih an ti tawn. An tling ahcun an tuan awk hrimhrim asi ve ko cu teh..Cutincun pei ramkhel feeling cu mipi nih kan tep chin lengmang lai cu.

USDP nih CM tuanding phang phun in chim i Miphun party CM tuan hlah maw an rak duh lo deuhmi asi ti awk in ruah khawh asi ve. Tuchun NLD MP dihlak nih 261 an kanhkuat cu apoi ngaingai. Kawl le Kawl lehrul i chamnak karlak ah dara Tlangcung Miphun nih harnak kan tem ing peng kun ne lai.

Mahcaahcun Kawlrawn ahcun Democracy a duhmi NLD nih teinak hmu sehlaw Tlangcung ahcun Federal a duhmi Tlangcung Party nih teinak hmu ve ko seh. Cucunpei Democracy le Federal cu kan pehtawnh khawh te lai cu.

Chin miphun na tanh ruangah a hohmanh nih an in tlanglamh lai lo i an in chimchiat lai lo. Na sunghnak ding zong aum fawn lo. Cucaahcun kan miphun Chin Party ah dir viar caan a cu cang. Kanmah Chin kong cu kanmah Chin nih tawlrel ve cang usih……Midang nih kan ceih piak ti hna hlah seh…A zaa cang. Enough is Enough!!

Credit: Jacob R. Thang

 322 total views,  1 views today

This function has been disabled for Chin 11 News.