Faphir Unau Le Unau An I Duh Ti Hna Hnu Ah An I Um Hna Hnunkhat Bakah Nau An Pawi

US, Virginia i a um mi faphir unau le faphir unau cu 2018 August thla ah Twinsburg, Ohio ah ‘ Twice Upon a time’ timi hmang in kutsih nak an nei.

An muisam an i lolawng si loin, an duh mi thil hi a lo dih caah hmun khat ah, an duh herh mi thil poh cu an tuah tti tawn hna. Inn khat ah an um tti hna i, a tu hi cu nau an pawi veve cang tiah theih a si.

Mipi nih an lawmh tuk hna i, faphir unau cheukhat nih ‘ kan nih cu hmunkhat ah nau pawi kan i tim nain kan pawi kho lo, kan in lomhpi tuk hna tiah lawmhnak bia an chim.

May thla ah Australia Today sinah hmunkhat i nau an pawi ding hi an rak chim cang tiah theih a si. 2017 kum ah Twins Festival ah an i tawng hna i, Josh (kum 35) le Jeremy Salyers (kum 35) nih nungak Brittany (kum 33)le Briana Deane (kum 33 ) sinah an duh nak hna le an dawtnak hna cu an chim tti.

Cu ticun an i duh hnu thla 6 hnuah i neih ding in an timhlamh nak an nei tti lawlaw i, hmunkhat ah an i nei hna, Hnipuan zong a lo mi an i hruk veve peng hna ruangah, mipi nih an theithiam kho hna lo.

Hmunkhat ah Nau an pawi tti khawh caah an i lawm tuk i, Kan fa le hi chungkhat chungkhat lawng si loin unau thisen khat taktak an si tiah an ti.

 

 102 total views,  1 views today

This function has been disabled for Chin 11 News.