Faphir Pasarih A Rak Neitu Kenny Le Bobbi Te Chungkhar Hna Hi Nihin Tiangin An Kong Ceih Le Chim An Tong Peng

Hihin tiangin vulei cung mipi zei mawzat a buaiter tu le khuaruahhar in a um tertu hna cu, hi hna chungkhar hi an si tiah an chim peng. Nu va pakhat Kenny Le Bobbi USA Iowa State ah an um mi hna nih  nau an nei kho lo. Caan sauinawn an um hnu ah nau an nei i, an i lawmtuk, nau dang neih an duh nain an nei kho ti lo caah Doctor ruahnak an va hal i, Dactor i a chimh ning hna in an tuah caah nau cu an pawi than.

Hi thil a cang lio hi November 19, 1997 ah a si i, nau an pawi mi cu Doctor sinah an va zoh ter i,faphir Pa sarih an si tiah an rak chimh hna, an dihlak i a neih hna a si ahcun a nu hi a thi kho na fa le hi kan thah hna lai tiah an chimh i, ka fa thlakpiak nak cun kei mah tu hi ka nunnak a liam zongah a poi lo tiah nau neih cu a thim.

A nithla tlin hlan ah Bobbi cu a ngan a fak i, sizung ah an tlik pi tik ah, a rannak in an hlai i, a nau cu an chuah piak, mah lio ah hin nau a neih nak dingah hin zarhruk a duh lio a si caah, thlatlin lo in a neih hna. a fa le cu an rit zan a tluk hna lo a hme deuh le a lian deuh in an um hna caah zohkheh tucu an lungre a thei ngaingai. cu thawng cu media pawl nih an theih bak in social media ah an thlah colh.

 

 

Lungrethei i an um lio ah umnak inn lian taktak le hngakchia ca i a hreh mi vialte cu sizung an chuah hlan ah company le cozah nih an rak tlawlrel piak viar hna i, thlathum a rauh hnu ah sizung cun an chuak, motor le Inn tiangin sizung an chuah bak in an rak pek hna i, mipi nih an soisel ngaingai hna lio ah mitam deuh nih cun an lawmhpi hna. Hi bantuk thil hi a um bello caah zaangfak tuk an si tiah mipi nih an zawnruah ngaingai hna.

Minih an dawt hna i an zaangfak hna caah nau umh le a herh mi vilte an bawmh hna i, hi hna chung nauumh piak tu hi minung 70 tluk an si tiah an chim. Hi lio hi Bill Clinton President lio a si caah faphir neitu pa Kenny cu nan har nak hi na kan chimh peng lai i a ho president an tuan zongah bawmh peng kan in zuam hna lai tiah a ti. Groge Bush nih a van chawn than i President  Bush nih cun Hngakchia 7 le a nu le pa cu a va tlawn hna tiah theih a rak si.