A tulio Falam pengboruak a chiat tuk lio a si i, khua kiangkap ah ralhrang a vak vai mi tampi an um caah mipi ralring taktak kan herh ko. Khua chung lutchuak mi na si ah cun hnipuan dum i hruk lo dingin Falam CDM supporter nih thawng an thanh.
Falam khuachung siseh khualeng siseh khual lengin falam nan rak panh a si ahcun hnipuan dum i hruk bak lo ding, tiah an thanh chih. Falam in kan chuah ah siseh, kan luh ah siseh kan motor cycle ah (အလံ) rang Thanhtar tem chih sihlaw kan him bik lai. hmur tuamnak Mask kan hman a si zongah a dum mi hman lo ah a tha.
Mipi himnak caah Falam CDM Supporter nih thawngthanhnak an nei i, Falam khuachung zongah zaan ah a herh tuk lo ahcun a ho hmanh kan chuakvak lo a tha tiah an tar chih.thildum i hruk lo ding le Thanhtar a rang mi kan hman lai tiah an chim duhnak cu mipi kan i palh lo nak dingah le kan himnak ding a si i, cucu zulh khawh i zuam cio hna usih. Falam CDM Sporters
Relchap: Zahan Yangon khua chung ah SAC uico phu pawl nih hramhram in tlaihkhihnak an tuah caah mino minung panga hn cu inn dot sang cung in an tla i an nunnak a liam.Cun minung pahnih SAC uico pawl nih an tlaih hna i an tuk velh hna.
SAC uico pawl nih hramhram in mipi tlaihkhihnak an tuah nak hmun hi Yangon Botataung lam 44 i a um mi Teihkhan pakhat ah an luh hnawh hna. Cuka ahcun mino panga cu inn cung in an tlak caah an thi.
Mino pahnih an tlaih hna tiah cuka Botataung um pakhat nih a chim.”SAC uico pawl nih hramhram in teihkhan chung an luh hnawh hna tik ah mino um mi hna cu an zam nak ah inn cung in an tlak hi a si. A hmun ah an thi colh” tiah mithmutu nihcun a chim.Mino pahnih an tlaih mi hna hi an tuk velhnak ah an lu zong a kuai bu in an kalpi hna tiah a chim chap. Teih inn cung in a tla mi minung panga lak ah pakhat cu Nu a si.KTM
Leave a Reply