Falam Peng Ralhrang Cawlcangh Cu Tihnung A Si Ko

Chin ramkulh,Falam khua,Lungpi(lungrang) sang ah August (9) zinglei suimilam 8:00 hrawng thok in ralhrang hna nih hriamngan in an kah hna. Zaan zong ah Khah-Lah-Yiah 268 pawng ah hriamngan ,meithal he pehtlai in an kah hna.

Nihin August 10,zinglei zong ah kahnak a um i, Falam khua in Thlawnrawn khua ah sii lei conghhramh in a kir mi naupawi lio nu pakhat le cycle in a phor tu a va pa cu ralhrang phu nih an kah hna caah a nupi cu a phei ah meithal hliam a tuar ,a phor tu a va pa cu an tlaih tiah theih a si.

Lungpi(lungrang) sang ah ralhrang phu nih a ruang um lo in an kah hna caah minung umnak inn chung in,inn ngeitu nu pakhat cu a tang ah an khen caah a nunnak a liam.Falam peng ,Zalai khua ah a um mi nu tar pakhat zong, a tih hna ruang ah inn tang ah thup in a um lio ah an kah caah a nun him nak ding caah thinphang a si ko tiah theih a si.

Falam khua pawng khua hna ah sualnak ngeilo mipi hna cu ralhrang nih auh in an tlaih hna tiah theih a si. Curuang ah mipi hna nih Falam-Rih,Falam-Hakha lampi ah khualtlawn lo ding in theih ter a si.