Falam Peng Hriamtlai CNDF Ralkap Nih Falam Peng Khuate Cu Zu An Zuar Ter Hna

Laitlang Hmunkip Ah CDF Nih Zu An Khap Dih Nain Falam Leng Cu Khuate Kip Ah CNDF Nih Zu An Zuar Ter Hna

Kan dothlennak a thok ka in nihin tiang Falam peng khuate cu zu an zuar hna. Falam peng lai ral i khuate dihlak hi zu an zuar dih. Chinram peng pakhua a um i CDF nih an control dih i Zu an khap dih hna. Peng pakhat a si mi Falam peng cu CNDF Nih khuate cu zu an zuar ter hna.

Pumpak in theih mi pakhat nih a chim nak ah cun Khika ah zu a ding bik hi Khualhringtlang le Vangzaang tlang le Anmah zahau an si hna tiah a chim. Cun hihi Anmah CNDF bak nih an zuar ter mi hna a si ko tiah a chim chih. Zu Zuarnak khua te kip cu a herh a si le an khua min an hmanthlak he kan tar than te laiCrd.. Pa Val Mh

Relchap>>>>>>MAH Nih A Pennak Hmun Zungzal Awk Ah Aa Ngeih Mi Simankin Pathum (Part 1)

2023 ah MAH te SAC nih Tuah ding mi Thimhnak cu MAH SPH sinak, MAH Pennak hmun camcin nak caah asi, Ralhrang Rallokap Saal zungzal si awk ah a hlawhtlin tertu asi lai. Cucaah MAH he aa kawp mi Party le Minung siseh, Bu le biaknak lei upa, Pumpak cu Tuanbia Tazakhan nansi hna. Mipi nih Dantatnak le sualphawt nak nan ing ve te lai. Rallokap Ralhrang khawh in Civil Ralhrang pennak a ra te lai. MAH le SAC cu Vawleipi nih cozah na si ko an ti duh ti lo. Cucaah Phungning tein Cozah si le Tamada si kha MAH nih a duh.

Thimhnak timi cu Mipi sin in a ram mi asi caah, Democracy phung asi, Thimhnak ah an kan tei ahcun, Kan duh le duh lo zong ah MAH kha Phungning tein le Democracy ning in Tamada na si, Kan cozah na si tinak asi. Democracy cu Mipi sin in a ra mi asi. Ralhrang uknak cu Uknak chutnak, Covo chutnak, Tinvo pek duh lonak, Tlangcungmi phihkarhnak le Miphun pakhat lawng nih uk pen zungzalnak in a ra ve. Cucu thimhnak in a hram aa thawk ve. 2023 thimhnak in Vawleipi ah Legitimacy si kha MAH chunmang asi. Vawleipi nih Legitimacy sinak kha 2023 thimhnak in fir aa timh mi MAH asi. Mipi duhnak kha 2023 thimhnak in tlaihremh aa timh mi asi.

Ralhrang Ralbawizik Pa MAH cu Uknak an kan chut mi kha Phung ning tein asinak hnga (Legitimacy) le a pennak hmun zungzal nak caah ralrin tein aa zuam. Khuaisen in tunu kan siam bantukin a siam I lam a kawl. Zeitintiah Ramkhel in chuaknak lam cu mah lawng hi aum caah asi. Ramkhel in MAH a chuak khawh nak lam cu 2023 thimh nak lawng hi kenret ah a tang cang. Cuti Asikhawh nak ding lam vialte cu a kawl I, a um khawh lailo timi lampi tiang asiam mi Ralhrang MAH asi.

Mipi thimhmi cozah cu Hriamnam hmang in Upadi loin le phung ning loin a thlak tu MAH asi. Rampi nawlngeih nak cu a Damiah le Tupung sinak in, lampawk in a lak tu asi caah Mipi nih kan cohlan lo bantukin Vawleipi (International) nih an cohlan ve lo.
Uknak an kan chut in Kum 2 deng tiang in Mipi dohnak le Vawleipi soisel a tawn buin, uknak an lak mi cu phung lut awk ah harsat ngai in an I zuam zungzal. An pennak hmun zungzal awk ah Asikhawh lo ti an hngalh buin an pah chih I, thih deng in an I zuam. Thihnak in aa hrim áš­han mi bang harsat ngai in an I zuam.

2020 ah me (Vote) an fir caah Rallokap nih Democracy hi kan khumzual mi asi, Rallokap hi Kawlram Khamhtu kan si tiah MAH nih a ti zungzal. Biachimh nak poah ah a tel chih. A saya te asimi Pu Thang Sui le Pu Ni Vung nih an ti bantukin, Kawlram a rawkral ding zubui mei can / zung hnih lawng aa duh ah, Chengpalang le horkuang thukpi ah Rampi a tla lai ah, Rallokap nih kan khumzual timi phung le biahla kha MAH nih a hmang ve. Rampi a rawk lo ding in a khumzual tu Rallokap kan si an ti.

Cucaah Uknak kan lak asi lo, Uknak kan khumzual chung tiah MAH nih aa silhnalh zungzal. Thimhnak kan in tuah piak hna lai, TEITU party sinah Uknak kan pek / chanh lai tiah MAH nih a ti zungzal. Uknak le Tamada a duh lo mi bantukin tein le Uknak saupi tlaih a duh lomi bantukin, bia a thlah.

Uknak an kan chut kum 2 deng ah MAH biahla hi kan zoh tikah, Tamada si a duh nak le A pennak hmun zungzal awk ah siseh, Rallokap le a tefa rual nih Kawlram ukpen zungzal nak caah hmuitinh le chungmang a ngei ti hi hmuh khawh asi. Cutin aa zuam nak vialte kan khawmsuat tikah, Dot thum / Level Phun thum in aa zuam ti kha fian tein hngalh khawh asi.
Fainternak: Part 1- Part10 asilai. Rel rak i zuam ve. Part 10 a dih in Email in PDF in kuat khawh na si. Ka sian ko Man lo tein.

Be the first to comment

Leave a Reply

Your email address will not be published.


*