Falam Khua Pawng Rialti Khua ah SAC Ralhrang nih inn le Biakinn an Khangh

#Updated – Falam-Hakha karlak Lungrang khua pawngte Rialti khua ah SAC ralhrang nih biakinn telh in inn 4 an khangh, tiah thawng kan theih.

Rialti cu Falam peng, Thlanrawn le Lungrang karlak ah a ummi inn 7 hrawngte an umnak khua a si.
“A kaangmi inn pawl lak ah Pu Sui Cem inn le Church Chairman Pu Lal Uk i a pa inn zong an i tel hna. Inn dang pawl zong hi an khangh chap khawh men,” tiah minung pakhat nih The Chin Journal ah a chim.

Relchap: Hniarlawnthar pawng Kahdohnak ah SAC Ralhrang 5 Thi
———
Nihin zinglei sml. 10:00 hrawng in aa thawkmi Hniarlawnthar pawng kahdohnak ah SAC ralhrang lei in minung 5 an thi, tiah CNF chimnak nawlngei Salai Htet Ni nih a chim.

“Hniarlawnthar pawng ah zinglei sml. 10:00 hrawng in i kahnak a um i, SAC ralhrang lei in minung 5 an thi. Kanmah CNA/CDF lei in mithi/thliampu kan um lo. Hmaitonh in kan i kap ti awk ngaingai a ttha lo. Anmah lei nih cun kahthlorh in an kah,” tiah Khonumthung ah a chim.

Hniarlawnthar ah kum 13 pa ngakchia pakhat telh in minung 4 zong SAC ralharng nih an tlaih hna.
“Khua ah um ngam a si ti lo caah hmundang ah kan i tthial chung pah dih ko,” tiah Hniarlawnthar pastor pakhat nih The Chin Journal ah a chim.The Chin Journal,October 13, Hakha

Be the first to comment

Leave a Reply

Your email address will not be published.


*