Facebook Company Riantuantu Pakhat Zong Zawtnak Nih A Phak Ve Cang

Facebook company ah rian a tuan mi minung pakhat cu a riantuan hawi tampi hna chung in a voikhat nak bik ah COVID-19 zawtnak nih a phak ve cang tiah March 5 ah khan thawngpang fiang tein an fehter cang mi a si. Hi facebook company riantuan tu pa hi February 21 ah khan Washington, D.C. SeattleĀ  ah a um mi Facebook office ah a hnubik a riantuan nak a si caah cu office i riantuan tu dang pawl hna zong lungrethei ngaiin an um ko hna.

Cu ruang ah Washington, D.C. Seattle ah a um mi Facebook office zong cu March 9 tiang an khar ter cang hna cu office ah riantuan tu vialte hna cu siibawi te nih felfai tein chekhlai nak an tuah hna hnu ah thlakhat chung inn ah dinhter an si lai tiah thawngthanh nak an tuah hna.

Hi kong he pehtlai in Washington, D.C. Seattle i an hruaitu pakhat nih a chim ning ah cun kan zung (office) ah riantuan tu minung pakhat cu COVID-19 zawtnak hrik an hmuh caah a thutnak zungkhaan zong a hohmanh luhter lo dingin kan chimh hna i amah zong cu siizung ah kan chiah cawlh ko tiah The New York Times thawngzamh sinah a chim.

Cun kan riantuan tti hawi hna sinah ka chim rih mi cu zeitluk indah ngandam nak hi biapi a si le acozah nawlngeitu hna nih tuah uh tiah an chim mi hi kan tuah awk a si ti pawl zong felfai tein kan cawnpiak hna tiah zong a chimchap hi a si.

Source: Cele News Asia

 132 total views,  1 views today

This function has been disabled for Chin 11 News.