Evan David Mang Hi : Holh Theihlo Co Duh Ruangah Ka Rak Thi Deng!

Laimi phun caah Biaro cah:
1. Holh theih lo le, 2. Prophet kong ah ralrin kan herh tuk.
“””””””””””””””””””””””””””””””””””””””””””””””””””””””””””””””””””””””
(a) Holh theih lo co duh ruang ah ka rak thi deng mang.

“””””””””””””””””””””””””””””””””””””””””””””””””””””””””””””””””””””””

1972 kum ah Saya Sang Bel cawnpiak nak in biatak tharnak (Born again) ka rak co. Biatak ah ka rak thar ko nain kan Lairam cu hlim ram in arak i tthang mi kan si caah ka thar hnu ah hlim ram in kum 6 chung ka rak um. Cu hlim ram ah arak kan cawnpiak tu cu Farrawn pu Za Thang, Caw Sui pa arak si. Holh theih lo hlâ arak sâ cêm tu cu Ruabuk Ttial cung le Vanzang Hrang Peng le Fom Par pa an rak si cem. Bia lei in akan cawnpiak tu cu Saya Sang Bel le Farrawn Za Thang an si cem. Hlim ram in kan kal caah Pu Za Thang nih a inn a hlut î a inn ah zân chiar kan rak lâm. Kan lâm ah hin a kual (rounding formation) in kan i hêl i, a zulh in kan i zul i, kan rak lâm hna. Holh theih lo hlâ an sak le bihling bawhlok in mah duh ciao poh in kan rak lâm. A cân ah kan i hêl kual. Cu ti kan lâm ah cun hla bia ruat bu in ka lâm câ ah hla sak lawng ah ka lâm hêl kual vê tawn. Cuti cun, kan lâm tik ah Lunglêr Sun Dang hi mi hawi can lo deuh lo asi i khawmh poh ah hawi laam poh i a laam peng ve mi asi cu ti asi ca ah Sun Dang he lnkan i chang peng. Cu ca ah ka lung a hring i laam lo in ka zoh hna cu ttuai duh mi an rak nei dih hna.Cu caah Nudang he kan i chang peng nak asi. Laam dih ah kan lawi hna i, ai tuai mi te te kha an i thlah hna i an hlei hlak in mang ttha an i ti hna i nutung le patung cu an i tthen.Cu ka hmuh cun ka laam duh sat ti lo na in kai khawm ve peng an laam i pei beng tu kasi.Holhtheihlo in hla an sak poh ah ka laam peng ve holh theihlo lam cu a nuam tuk a ka suai ca ah khawmh lai kai ngeih tuk ah ka kam tthuah nak hmanh in tual ah ka chak.Asi na in holh theihlo cu ka ngei lo.khua dang in Gospel a ra mi poh pu Za Thang in ah cun kan i khawm i khawmh dih in kan i lengkhawm i theih mi holh cun laam a nuamh lo tuk ca ah namber nei lo kha sa ko u ti i holhtheihlo hla sak i kan laam khawh ah kan khuk an kan bil ter i baan thir in Haleluiah tiah rang tak tak in an kan ti ter a rang deuh ah cun luiah ti in a chuak kan keng in an kan cumh i ttihhlah an kan ti.Co duh i khup bil nalak ah zeihmanh katih lo ka ti hna. Kaholh ka palh deuh le ngah an kan ti.Adang cu an ngah dih nain ka ngah kholo.Ziah ka ngah khawh lo tiah cun,cunglei in kalei control ding ah ka ruah culo cun ka lung si lo.Cutik ah nai uah tuk an ka ti i,ttuang hna ah vawisarih kalutaw an kaleh ter.Asi na in ka ngah hlei lo.Cutik ah pu Za Thang nih fianrial thlacam nak ah hal law nangah kolai a ka ti ca ah Khampat Siangin kam tlangsam bur cu kathla cam nak hmun an sidih na in ka ngah hlei lo cuchinchap ah holh theih lo hi van holh asi caah,holhtheihlo na neih lo ah vun napiangthar caah van cu nakai ko lai na in vanah mihrut nasi lai akati.Mihrut si cu kaduhlo caah namte kaa lak i, “tuzaan nazi hleihnih ah na kapek lo ah cun kaa cgun bak lai” tiah pathian ka challenge cang. Cu ka thlacam mi cu kapa nih atheih i a kati mi cu, “na molhcang” aka ti. Kapa cu, “Baptist u pa nasi thlarau kong cu nathei lai lo kati. Cuti in thla cu ka cam peng caah zanlai ah pastor Sang Bel ava kawh i kan in an phak ah anbia ka theih mi cu, “Mang Hi cu katuah lai a ti mi cu a tuah tak ko lai,” tiah ka pa nih ati ka theih.Saya Sang nih cun kawi hi napa nih fapa pa zei zat dah an ngeih hna? a kati panga kati. “Asi ah pakhat sa kah thiam asi, pakhat leithuan a thiam, pakhat mawttaw mong a thiam le na pa nih zei dah an pek hna lai?” aka ti. “Cu cu, hal a hau lo, Mawttaw mongh thiam cu mattaw, sa kah thiam cu meithal (gun) teh akan pek ko lai!” ka ti. “Cu pei asi cu, Thlarau thil pek cu tampi a um! Holh theih lo theng theng maw na duh bik? Ziah? Phungchim thiamnak pei an pek ko hi!” avan ka ti bak ah, “duak” tiah ka pemh phut ko. ‘Lomhnak bia’ tu kan chim tti hna. Pianthar kâ ah cun an chim mi poh zumh asi! Rak i chun in rak thi ning law, a dang nih cun, “Mang Hi a molh i, nâm in â chun i, athi” nan ka ti bak lai. Ka molh lo! Ka fim tuk na in cawnpiak nâk ruang ah thih khawh kan si. Kei zong ka rak thi deng mang! A deuh ma ceuh te khi asi.
Prophet kong ah biacah!!!

“””””””””””””””””””””””””””””””””””””””””””

A hlan ah hin Nazareth Zisuh Khrihfa bû kan rak si. Nazareth Zisuh Khrihfabû cu ၾကာအင္း ah an rak um ve. Adirh tu cu Ca Hluan Van Lian Thang pa arak si. An nih cu phungchim thiah a um lo. Zachariah pa hi prophet asi i, amah nih thla cam hma sat i, chim seh, ati mi lawng nih phung chim asi. ၾကာအင္း cu kan va phan i, Zachariah pa, an prophet nih, thla a cam hmasa i, “tlung hna seh, Pathian nih ati” ati ko. Pi Sui Nawn nih, “cam nolh! Na hrokhrawl” ati i, a cam nolh le a chim than mi cu, “ni khat lawng câm hna seh, ati” tthan, a êl tthan. A herh ah cun a herh tiang poh Pathian nih cun ati awk asi, ati i, Ca Hlun nih, Bible ah pei Peter cakuat ah, nikhat hi kum thongkhat bantuk asi, ati ko, cu câah aherh tiang poh câm ko uh, akan ti i nithum kan câm. Hro (scold) khawh let ter tthan khawh mi PROPHET kan tam tuk. Kei cu khual ka tlawng peng i prophet panga kan inn ah lan rak ra i sia in cawimawi hna seh tiah Pathian nih an ti hna an ka ti tiah kan nu nih phone aka chawnh. Ka leh mi cu kan mah cawi mawi akan fial ah cun ziah, kan mah akan chimh lo, ka zum lo. Pathian cu kan ngeih ve ko ttung, ka ti. Cawimawi cu a ttha tuk i kan cawi mawi ding asi ko. Asi na in, cawimawi akan fial ah cun Jesuh a ngeitu cu akan chimh ve ding asi.

Thlarau hla

“”””””””””””””””””

Tlangkhua ah Thlarau hla a sa cem tu cu Pu Sang Hre asi. Pu Sang Hre cu kan bu ah alut i, holh theih lo hi kan bu cu kan uar tuk loh, ka van ti cu, holh theih lo hla tham cu a chuak mi poh kam sâ men ko lo hme maw, ati. Cu cu, Tahtlang ah Zai Thluai pa ka chimh i, ahman tuk a chuak mi poh sak men asi, ati ve Cu ti asi ah nan duh poh maw nan sak ne, ka ti. A aw a um i, khuang he â rem ning in a aw zulh te in kan sak men ko, ati. Van hla ah na ruat maw? Kati i, Van hla asi loh, duh le Lai holh, duh le zahau holh, duh le kala (India) holh cawh in a aw he ai rem ning in sak piak asi ati A aw thiam hmasat ahau. Hi ti ka chim tik ah, mi tthen khat nih cun Matthai 12:30 bia i lâk riangmang in Thlarau do hlah, Thlarau doh cu ngeithiam khawh si lo, nan ka ti kho. Bible a sullam (point) tak tak cu, Pâ chan ah pâ Pathian a zum lo mi zong Fapa zumh ah cun ngeihthiam nak caân a um rih. Fapa chan ah Fapa a zum lo mi zong thiangthlarau chan a um rih. Atu Grace period (velngeih nak chan) ah a zum lo mi cu ngeithiamnak caan a um ti lo. Kan Principal pa nih ati ve. Paul zong pianthar nak a doh i, hremnak leh hmah (ticket) zong à lak i, a hrem lio te ah a piangthar. Thlarau tak tak cu do ko law nang mah tu an tlaih lai. Do tting lo, ttanh ttung lo hi Pathian nih â ziak lo cem. Thlarau tak cu do tu poh a tlaih hna! HALLELUIA! Lai mi caah thluachuah si ko seh tiah thlacamnak he,
Khrih Salpa,
Evan Mang Hi

Credit: David Mang Hi

 538 total views,  2 views today

This function has been disabled for Chin 11 News.