European Union Nih Hydroxychloroquine Hman Lo A Ttha Tiah Thawngthanh Nak An Tuah

Hydroxychloroquine hi Lung caah a ttha lo tukmi a si caah Corona thlawpnak ah hman lo ah a ttha tiah European Union ngandamnak lei nih a hnubik press conference ah ralrinnak an tuah. A bikin sii dang he cawh ah Lung lei zawtnak a chuahpi an ti.

March 19. ah khan USA president nih Hydroxychloroquine (OH) hi Corona thlawpnak caah a ttha taktak tiah a rak chim. Cu a chim lio ah zeibantuk hneksaknak hmanh a rak um rih lo, nain mi le ram tamngai nih an rak zumh.

Hydroxychloroquine le Chloroquine cu raifenh thlawpnak ah rak hmanmi an si i ram siifak pawl ah cun eidin a chiat ruang ah le dam zok seh tiah tamdeuh dinh sual ruang ah Zen te hna, mit khuahmuh lo le lungfim lo te hna a rak chuahpi an ti. Atu zong a thazang dermi nih an hman a si ahcun a chuahpimi thil ttha lo a um khawh caah i ralrin a herh tiah EU nih an chim.

AP News nih a ttialning ah American Study pakhat nih Hydroxychloroquine in thlawpmi Corona-mizaw hi a thimi lakah an tamdeuh tiah a langhter. Cu pinah Hydroxychloroquine an hman ruang ah thaw dawp le chuah bawmh hau lo an si hlei lo, bawmh an hau tthiam ti a si. Mah sii hman ruang ah a chuahpimi rawhnak cu an dawi lo nain hi sii nih ruah lopiin thinlung dur a daihter khawh ti kha an hmuh.

Russia nih kan hman chun tuah lai tiah Tuluk ah tamtuk man a cah i cucu hman lo ding in ruahnak zong USA le EU siibawi te ruahnak an pek. Atu tiang ah Hydroxychloroquine in Corona mizaw thlawpmi a tam tiah fehtermi an um rih lo ti a si.

Atu hi Corona thlawpnak sii an hmu rih lo. Remdesivir zong hi corona-mizaw sinah an hman a tlawm tuk rih, zeihmanh a phi chuak rih lo.

Cc: AP News https://apnews.com/a5077c7227b8eb8b0dc23423c0bbe2b2

Laknak: Teirial Catialtu

 195 total views,  1 views today

This function has been disabled for Chin 11 News.