EU Ram Tlawnkhawh Si Cang

European Union nih hihin in, ram hleinga hna cu a ram chung luh chuak nak nawl a pek hna i, hi chung ah Morocco le Australia an i tel i, US le Brazil, Russia cu an i tel lo.

Europe ram si lomi ram 15 hna cu luhchuah khawh siseh tiah,European Council nih ninga chung an ruah hnuah an thanh i, zawtnak zia lei a panh nak ram 15 hna cu lut chuah an onh cang hna. A mah belte Council nih luh chuah an onh ko nain Europe member hna nih an khap khawh ve i, zarhhnih chungah luh chuah nak nawl an pek mi ram poh cu an thanh lai.

Tlawn an onh mi ram hna cu – China, Algeria, Australia, Canada, Georgia, Japan, Montenegro, Morocco, New Zealand, Rwanda, Serbia, South Korea, Thailand, Tunisia le Uruguay an si i, China hi senh hmanh hna sehlaw rem nak cu an tuah rih lo.

Hilio ah UK le EU state si lomi ramdang pali Switzerland, Iceland, Liechtenstein le Norway hna cu an i tel ve. EU member ram hna nih cun an ram i luhchuah a ngah cang nak kong an thanh cio lai.

 116 total views,  1 views today

This function has been disabled for Chin 11 News.