EU- Ram Pawl Nih Russia Cung I An Thil Tuah Mi Cu A Poi Kho TakTak

Europeon Union foriegn minister hna nih Russia ram mi hruitu tha, Alexei Navalny Sii hmang in thah an timh nak kongah Russian official le mi cheukhat sinah hrennak pek siseh tiah an lung a tling.

Meeting an neih nak ah , France le Germany ram nih cun EU ram dang hna cu Navalny thah a tim tu a tel mi pawl pohpoh cu an ram ah tlawn a ngah lo nak kong le, an thil neih mi kong tongh khawh lo in kan tuah lai tiah an i tim. Hihi member State pawl nih cun a tha tiah an ti viar hna i, EU foreign policy chief Josep Borrell nih cun a chim.

Anti-corruption investigation le politic ah Russia president Vladimir Putin zuamcawh ngamtu, Nalvalny hi August 20 khan vanlawng i a zuang lio ah a dam lo i, zei hmah a thei lo. Germany ah zohkhenh a si i, a tu cu a dam cang. Sii in thah an timh tiah theih a si i,kan hnu zarh ah khan Organization for the Prohbition of chemical Weapons nih cun Navakny hi Novichok nerve agent hmang in an tuah tiah an fiang ter cang.