Esther DCS Nih Lakhruak Ngai In Bawmhhal Nak A Rak Tuah, An Thih Caan Lo Ah An Thi Sual Lai A Ti

Myanmar Idol Season 4 ah winner a si i Chin arfi tiah kan i zohthla taktak mi Esther Dawt Chin Sung nih Paletwa Chin kan unau ralzam hna caah lakhruak ngai in bawmh hal nak a rak tuah. A rak chim mi cu hi ti hin a si “a tu hi Paletwa Chin ralzam hna caah bawmhnak pek than ding in ka tim than, cu ruang ah keimah he hmunkhat ah bawmhnak pek a lungchuak mi nan um a si ah cun hmunkhat ah bawmhnak pek in thluachuah kan i ham tti cio hna lai tiah kan sawm hna.

Tulio cu a ho poah harsat lio le lungretheih lio asi caah bawmhnak pek ding in rak thawh hrimhrim kan ti lo. A si kho deuh mi le bawmhnak a p kho mi dirhmun ah a um mi tu nih hi mi harsa bawmhnak ah hin rak i tal ve ding in kan sawm hna. Lakhruak ngai in bawmhnak pek a herh mi hna hi Paletwa Daan-Tinh khua mi hna an si i a rannak in siizung ah phak pi hna lo ah cun an khuami dihlak caah thinphan a si.

Mizaw phurh nak ding caah mawtaw an herh tuk hringhran i mizaw phurh nak mawtaw an ngeih lo a si ah cun a thih caan a si hlan ah a thi kho mi dirhmun ah an um hna. Hi mizaw phurh nak mawtaw pakhat hi cu Eshter, Yaw Kee le Benjamin tiin kan tafar pathum in kan hlut hna lai. Cu ruangah i bawmhnak ah hin phaisa in telve a duh mi hna nih Mah Zin Ma Myint Ph No. 09259493353 ah wave Money in siseh, K Pay zong in rak hlut khawh le i telve khawh a si.

Hi phaisa hlut mi nan kuat hnu ah Mah Sein Hleh Soe le Mah Tin Nuh Shwe nih CB in SS ah confirm an rak tuah cawlh lai. Ral dih cang seh! Ral dih cang seh! Ral dih cang seh!.” Tiin Esther Dawt Chin Sung nih a fb ah rak tial hi a si.

Source: Esther Dawt Chin Sung

 272 total views,  2 views today

This function has been disabled for Chin 11 News.