Esther Dawt Chin Sung Vote Tamtak Hmuh Dawh A Si Cang

Esther Dawt Chin Sung cu vote tam taktak hmuh dawh a si cang. Tutan Myanmar Idol season 4 hlasak zuamnak ah Top 4 tiang an phan cang. Top 4 cu a biapi tuk cangmi a si caah Esther tlak lonak ding in biatak tein Hakha le Thantlang an cawlcang cio cang hna.

US lei in siseh, Australia lei in siseh, Malaysia lei in siseh, Hakha lei in siseh biatak tein an cawlcang cio cang hna. Cu hlan nak in tan an la deuh cang hna.

Esther hi bottom 3 ah voithum a thu cangmi a si tikah a tla sual lai ti hi phan a um ngaingai cangmi a si. Bottom 3 thut hi tihnung mi dirhmun a si caah tutan Top 4 i zuamnak ahhin cun Bottom 3 ah a thut lonak ding in biatak tein a fan pawl thazang an chuah cang hna.

Tutan Myanmar Idol season 4 ahhin minung 11 Top finalist an si i a tu tiang ah minung 7 an tla cang i minung 4 an tang. Minung 7 a tla cangmi chung ah khan minung pakhat kha Wild Card in hun auh than i Top 4 pawl sin ah hlasak ai zuam ding a si than cang lai.

Tutan ah Myanmar Idol ah winner a ngah dingmi nihcun Myammar Idol tuanvo ngeitu nih Kyat ting 500 le OPPO company nih ting 200 an pek hna lai. Cu pinah teih khan pakhat le pumpak music video chuah piak a si rih lai.

Esther nih winner ka ngah ahcun sifak santlai lo ngahtah pawl ka si khawh tawk in ka bawmh hna lai tiah interview ah a chim.

 

 272 total views,  1 views today

This function has been disabled for Chin 11 News.