Esther Dawt Chin Sung Nih A Thimmi A Tlangval A Min Le A Sining!!

Kan Lainu nungak Minthang Esther Dawt Chin Sung a rohlan ah khun a dim cang lai tiah theih a si. Esther Dawt Chin Sung cu Pathian nih aw le zai ah thluachuahnak a pek a si i, a pawcawmnak tingin a hmang khomi Chin nusal tha a si.

Esther Dawt Chin Sung cu Myanmar Idol a zuam lio ah a konglam tampi kan theih dih cia a si. A mah hi, Myanmar Idol a zuam hlan zong ah CACC nih rak tuahmi Chin Idol zongah Pakhat nak a rak hmu cangmi a si. Chin mi nih upat awktlak mino ah ruah dihmi zong a si.

Tutan ah a bik in langhter kan duhmi cu Esther Dawt Chin Sung hi kan laipa pakhat a si mi,ValĀ  Bawi Tha Thawng he a rohhlan ah kutsih in chungkhar ser cang lai tiah thieh a si. Esther nih zungzal ca i, a thimmi Val Bawi Tha Thawng hi, cathiam taktak a si i, Ram dang University pahnih ah cawnnak a ngeimi a si. Kan Laipa ahcun paza taktak kan ngeihmi a si ve.

Lai lainu hi tluk min thang kan i ngaihmi cu, Miphun dang tlangval nih an thit sual lai ti kan phang lio ah kan mah Laipa bak nih zungzal chungkhar ser dingin timhtuahnak an ngei ti kan hmuh tikah kan i lawm khun. Sertu Pathian nih an i timhtuahmi le hmalei an lam a tluang khawhnak hnga Thlacam thlacam bawm cio hna u sih!!Credit: Timeofchin