English Rel Kho Lo Caah, Flynn ‘Martial Law’ le ‘US Election’

Flynn ruahnak hi tikhor ral a kai lo, a kaa a daih hlan nizan lila ah US Army Secretary le US Army Chief of Staff nih a bia an hnonpiak colh, ‘US thimnak biakhiah awk ah ralkap nih rian kan ngei loh,’ tiah an ti (Mail Daily Dec 19 2020).

US Army phu khat nih Military Time ah Flynn ‘ruahnak hi kum 2020 chung molhmelh ruahnak – kan ruahphak lo tiang molh ruahnak a si – insane of the year..’, tiah an ti (Military Time Dec. 3 2020).

A molh hrim konak cu, US Constitution Article 1, Section 9 ah khan ‘ramchung ralthawh, ralchim, rammi himnak ral (disaster & health in interpertation tuah ttha)’ dah ti lo, ‘Writ of Habeas Corpus’ kha dinhter chung khawh a si lo. ‘Habeas Corpus’ cu, ‘Common Law Principle’ a si i, ahohmanh sual tazacuainak kalpi lo in, tlaih i thong thlak khawh a si lo, evidence tel lo in tuah khawh a si lo (US Constitution.net). Hihi ‘Martial Law’ he naihte in aa peh. ‘Martial Law’ cu, ‘Martial Justice’ a si lo, ramchung ral thawh ruangah, asiloah, himnak ral (thlichiapi hrang le rawhralnak) ruang ah, US Court on khawh a si lo, aa khar ti bantuk ah khin, ‘Martial Law’ cu Governor, asiloah, US President nih an thanh i, Civil Rights (Habeas Corpus) vialte kha dinhter chung a si tawn.

Tahchunnak ah, kum 1863 September 9 ah President Abraham Lincoln nih ramchung ralthawh lio si kaw, ‘Martial Law’ a rak thanh, Congress zong nih hna a rak tlakpi ko rua. Asinain 1866 ah US Supreme Court nih ‘US Phunghram ning a si lo,’ tiah bia a khiah (US Constitution.net).

Cu tluk a biapimi ‘Martial Law’ thanh nakding cu dahkaw, thimnak ah Donald Trump a sungh hnu in, evidence pipa um lo ‘vote dinglo’ puhnak kong a hung chuak le Flynn nih ‘Martial Law’ thanh awk cu, Donald Trump ruahnak a pek ko cu, Trump nih a ruahnak zong hal dawh a si lo nain. A om-ang lo tukmi ‘ruahnak molh hlirhliar’ a si loh tinak biading na ngei maw? Trump a sungh ruang le chirhchan fek ngei lo bia ruang ah ‘Martial Law’ thanh awk ruahnak cheuh cu, intelligence bawi le ralbawi tuan bal thluak ngaingai a si hnga maw ti hmanh zumh a har lei ko.

‘Martial Law’ an thanh ahcun, Civil Rights le Laws le Constitution an dinhter chung lai le US Military Commander in Chief Trump bia bak lawng kha ‘Law & Order’ a si lai. US Supreme Court biaceih bawi hmanh a tlaih mei sual hna lai (capo biatak). Cucaah, Trump nih ‘Martial Law’ a thanh lai lo, a thanh sual zong ah US Ralkapbu nih a nawl an zul lai lo. Cucu, Trump nih theih dawh in ka puh. Cucaah, Trump nakin Flynn a molh deuh ka tinak a si. News ka tial lo caah ka lungum cu duhtawk in tialnak hmun a si.  link: https://www.dailymail.co.uk/…/Army-chief-staff-slaps..Salai B Chan Khar