“Emercency Nationnal Security” Thawh Bur Cabawm Pek In Ka Vahnak Ah Ka Tonmi Minung Pathum Si In!

Kan umnak khua ah ENSF thawh bur ca bawm pek in ka vahnak ah ka tonmi Minung Pathum nih an ka mi ti bia.

• Minung (1)nak CNA/F nih kan Sia pi a rai liao mi akan Kah piak i bawmhchanh zong hi ka tim hna lo.

• Minung (2)nak Ramkhel kongkau hi cu Kei cu ka ceih huam lo, thazang ka pe lo. CNA/F nih hin Dr. phete Ngun Cung Lian hi meithal in an kah bal hnga lo tiah arak zai pengmi asi.

•Minung (3)nak CNA/F nih Ka nunnak lak ding tiang in an rak ka kawlmi ka si nain aluan cia cu a luan cangmi asi caah ka Thinlung dihlak in kan Miphun a dirkamh tu CNA/F cu ka si khawh tawk in ka dirkamh ve hna ding hi Mipi lei in ka tuanvo pakhat ka lim asi ve ati. #Carel tu hna teh a zeizawn ahkhin na thinlung put a um ve tiah bia rak i hal ve law. Credit: Van Ni Lian

Relchih dingmi: Tu Caan I Daite na um ahcun!!! Persia pennak tang ah Judahmi hna hrawhdih ding in rawiphiar an rak tong. Siangpahrang nupi Esther nih a theilo. A pu nih a chimh. A pasal, siangpahrang sin va chim kha Esther nih a ngamhlo. Cu caah a pu nih ‘hi bantuk lio can I daite I na um ko ahcun … nangmah le na pa ciruang hna cu nan thi lai.. ‘ a rak ti.

Tulio Kawlram chung buainak hi Esther chan Judahmi hna tuarnak he aa khatbak ko. Hi lio caan I daite um cu himnak silo in thihnak ding tu a si. Esther thluak chung ah a lang colhmi cu mah nawl in siangpahrang va ton cu ka thi kho tiah a ruah. Cu caah a tih. Tulio mizeimaw nih CDM ka tuah ahcun zeitindah kan nun lai tiah nan phang. Nain kha nan phanmi kha nan hmailei chan tiang thihnak ding lehlam a si.

1. Tanhmi ka ngeilo ti I daite i-umter hi ralkap tanh a si. Ralbawi Zaw Min Tun nih pei a au lengmang mi hna tham cu ram mipi I 15% lawng an si a ti kha. A aulo mi kha anmah lei tang ah an I ruah I thazaang ah an I lak. Na au a hau, na tum a hau, na chuah a hau.

2. Cozah riantuan pawl CDM tuahlo hi ralkap dirpi a si. Keimah rian thingte ka tuan ko tiah I chim ter hlah. Na rak rianhmi cozah a um tilo. Uknak chuttu ralkap thawnnak na tuah a si. Khakha zir a si.

3. Mi tampi nih nunnak an hloh, ningcanglo tuk thahnawn an ton lio le ralkap puarhrang uknak duhlo I an au an chuah lio ah zung na kai rihmi nak in miphun rawiphiar a um tilo. Kha thahnawnnak a tuahtu hna leikap na tan a si. Thisen nai neh ve kha philh hlah.

4. Miphun ralkap hna an thawn a herhbik lio can a si. An derthawmnak lawng chim peng can a silo. Dirkamh I a thawnter tuding si can a si. Hriamtlai hna hi mithah le minawn an duh ruang ah hriam an tlaihmi a silo. Miphun covo hlamthan nak caah nun thapmi tu an si. Hi lio can ah I theihter duhlo I daite na um ahcun thihnak thiamthiam na zunding a si ko.

5. Zumhnak ruang ah CNF/A ca pek duhlo I um kha zumtu fel sinak a silo. Ralhrang Kawl ralkap nih duhpaoh in thahnawnnak tuah ko rih hna seh ti lam onh a si.

6. Tulio buainak ah mipi le ralkap kar ah itluk (draw) sian ding a silo. Itluk cu mipi caah sungh (thih) a si. Tei hrimhrim a herh. Teinak ding caah daite nai um ter ahcun teinak lam a hla chin lengmang.

7. Tlangcungmi hna caah federal ti lengmangmi hlamnak can, canrembik a si. Hi caan kan tlolh ah cun sungh cikcek a si lai.

Tulio caan, miphun nih rawiphiar a tuar lio caan ah, miphun le ram ca aw le thazaang chuahlo in mah him duh ah daite um hi himnak a silo. Mipi nih teinak a hmuh ko lai. Teinak hmuh tikah cun CDM ah aa telduhlo mi le daite aa um termi hna nih nun nan ngamh te lailo. Tuanbia ah na tlau lan lai. Ref: M Thawng Kam