Elaw Khah! US Laimi Caah Cun Thawng Tha Bak Asi Ko Hi!

By Salai Z T Lian

Chin miphun tamnak Lewisville khua ah Salvation Amy nih an dumtuahnak vawlei hmunhma cu Salai Za Thawng Lian nih tawlrel dingin dumtuahnak hmun a kau taktakmi vawlei alakin (free) an hlanh. A hmun cu Becky zung hlun in ke in kal ahcun minute 5 hrawng lawng a hlatnak hmun ah asi. Chin miphun umnak he a neih te. Hi dum hi kum saupi tiang tuah khawh asi lai. Ti tha tein a um, ti man pek a hau lai lo. Free a si. Inndong khat nih a tuahmi dum pakhat caah atlawmbik timerh (titoihnak ti) pakhat cio chiah piak asi lai.

Cun dum tuahnak vawlei a kauh zong tuah phu tein pek asi lai. Inndong 50 caah dumtuahnak vawlei le ti a um lai. Cucaah a sok hmasami pek a si lai. Abikin apartment ah a ummi innchungkhar pawl usapek nan si lai.

Tukum nan tuah thawk lo zongah hmaikum thawkin tuah ding nan si ko ahcun hmunhma sok cia khawh asi lai.

Hi dum tuahnak caah vawlei le hmunhma sok cia a duhmi hna nih Volunteer Pu Ko Ko Ling, phone: 469-878-8834 siloah Volunteer Pu Thang Tin , phone : 469-951-8908 ah min cazin pek chung khawh asi.

Hmunhma cheuh pekding tiin ruah piak na si ahcun phone kan in chonh than te lai, dum pekmi hmunhma zoh dingin a ni le caan kan in thanh than te lai.

Upatnak he,

Salai Z T Lian

 194 total views,  1 views today

This function has been disabled for Chin 11 News.