Elaw Khah Henry Van Thio Cu A Mak Ko Lai Hi!

Dr. Tun Pua na Rian in rak i din tiah Hakha le Thantlang Mino pawl an au cang!

Kan Dawtmi Mai Sui Hlei Tial ruak a hlonh tu ah tuanvo ngeibik a simi Thantlang Myone ngandamnak lutlai Dr. Tun Pau cu Chin Miphun hna nih na rian in rak i din cang tiah duhlonak an langhter ve cang. Cu lawng si loin Thantlang Myone Ohchohzi hmu le a dang Covid19 commeettee vialte zong dantatnak pek dingin CHin Mipi hna nih duhlonak an langhter.

Tutan kan thil tonmi kongah Vice President asimi Henry Van Thio zong nih a theih cang i asi khawh chungin tuanvo a lak lai zong zumh cio asi. Kan bochan mi kan pa Pu Henry Van Thio nih bia kaa khat a chim ahcun Dr.Tun Pau le Ohchohzi hmu Aung Shew Myint cu an rian in dinhter an si ko lai.

Chin Miphun kan thinlung a dam kho ti lo, Ni 2 le zan thum ramlak ah an kan hlonh. Mipi hmaizahnak le upatnak a pel te hmanh um loin a kan tuah to. Hihi Thangtlang le Hakha mino pawl daih an i tim ti lom, a herh ning poh in cawlcangh an i tim ti zong theih asi. Nawlngeitu hna dantatnak an tuah hlan lo cu kan ngol lai lo tunak fak chinchin in kan cawl lai tiah an chim.

Vice President Henry Van Thio zong nih Dr. Tun Pua le Aung Shew Myint hi a zoh sawh hna lai lo. Atu cu thil sining a theih cang caah a rauh hlan ah tuanvo a lak lai zong zumh cio asi. Chin Mipi Au Aw DR. Tun Pau na rian in rak i din, Covid commeettee dantatnak pe hna uh, Sersiam tthan uh!

Credit: LH NEWS