Eihmuar nak nih a chuahpi mi.

Eihmuar nak nih a chuahpi mi……..
Mui le Sam zong rawk cikcekin Kum tampi Chung thlanti Putin Kan tuan Kan kawl miin, inn le lo Kan dirhmun tampi Ralhrang nih an Kan khanghpiak, Kan farnu le an Kan tlaihhrem piak, Kan nu le Kan pa le an Kan thah piak, Kan Mino hna tampi lu an Kan lakpiak, Kan cibak hmih an Kan timh……

Hi vialte harnak le tuarnak hi duh ti loin Ramthum nak ummi si hnaseh, Lailei ummi a thawngtha deuhdeuh nih an thitha tampi an thawh cio mi hna rak eihmuar salam ngam men ko hna hicuh, Nan thling hnahi a pelpawi tetal a zaa ve lo maw ?

Biachap: Ram le miphun hi Kan biaknak he ai Tlai mi asi, Ram le miphun caah zumh awk tlak loin a ummi hna , Nan cungah Pathian ai Lawm hrimhrim laloh khah …

Nan tuahmi nan zuun hrimhrim la …. A tu na eihmuar mi nakin, a lettam pi harnak nan ton te la khah.na luat hrimhrim laloh cupinah nan tuu fa hna tiangin na tuahser nak kha an zuun chap rih la khah…tih anunning Nan i fiang rualoh…..eihmuar nak hi Rak thin cang uh ….. Dawtnak he Kan cah hna.Crd.. All Chin

Relchap>>>>Ral Lio Kuanvai
***************
Stray Bullet (လမ်းလွဲ ကျည်ဆန်)
Atulio hi Kawlram pumpi ti awk in meithal le hriamnam lawng in minung le ram hi uk khawh asi tiah uknak ai molh pimi Kawl ralhrang hna ruang ah, mipi kan duh thimnak asi lomi ral chung ah kan lut dih hna. Lai lei i mi tlawmte ramvaih caan hmanh ah meithal kuanvai nih ahnor sual i ai hliam khawng mi um tawn asi. Raldohnak chung chinchin ahcun hi bantuk kuanvai nih khen sualmi cu atamtuk mi khi asi. Timh ciammam tein i sel i kah mi le i sel lonak hmun tampi ah kuanvai nih akhen mi atamtuk lio caan asi ti cu nitin kan mithmuh a si ko cang.

Cu bantuk in kan ral hna nih timh ciammam tein ralsa ah atarh mi (hostage-ဓားစာခံ) hna, thilri le minung khi “Collateral Damage” timi cu an si. Cucu hrial awk țha loin ral chung ah ral mei nih laak chih mi dirhmun khi a si. Mah duh thim zong a si lo, hrial awk zong ațha fawn lo, cuticun tilian nih ruah lo tuk in afenh mi hna bang mipi le thilri kha ral nih akal pi chih tawn hna.

Collateral Damage
****************
စစ်ပွဲထဲမမျှော်လင့်ဘဲပိတ်မိပျက်စီးခံနေရခြင်း။
Tutan zong tampi, Kawlram huap in țial ding aum lengluang nain kan Chinram dirhmun lawngin vun țial ka duh mi cu; ralsa tarh dirhmun ah kan i tenh sual tikah theihthiam ahauh tuk zia khi asi. Thantlang, Khuafo, Tuingo, Webula le atu lio Falam le Hakha kar khua le khuami vialte hi Collateral Damage chung ahcun ai tenh chih dih mi rawhralnak nih aphanh mi hna an si. Kawl ralhrang hriamtlai (Myanmar Armed Terrorists -မြန်မာနိုင်ငံ လက်နက်ကိုင် အကြမ်းဖက်သမား) pawl hi kum sautuk ram an uk, an rum, an nei cang i fawi tein thianh awk ațha lo mi an si.

Kawl Ralhrang Hlennak
*******************
စစ်ရေး လှည့်စားမှုနည်းပရိယာယ်
Tutan hi dot thum (Three Steps) in Plan A-B-C) i ser in uknak a la mi an si caah an Plan-A cu an i palh cang, cozah an ser kho lo. Plan-B cu amah adotu paoh kha hrawh dih khawh ai zuam lio asi. Hi zong hi atlamtling lai zumh a um lo.

Adonghnak Plan-C cu ka tei ti hna lo ti atheih ahcun daihnak lam ser, thimnak zong tuah ti loin 2008 Constitution ning bantuk in kum 5 voikhat thimnak tuah timi kha 2010, 2015, 2020, 2025 ti khi asi caah 2025 tiang Interim Government in um, cu chung ah athli tein hriam i damh, inn pawngkam ram i sawm, ramchung ațih deuh mi paoh he daihnak ser. Cun uknak in ram le miphun țhencheu (Divide and Rule) chuah ter i mah le mah buai ter. Cu ti buai lio ah nam i hrawh chih lawlaw kha i timh ziar. Cu pawl vialte cu adonghnak Plan-C a thiltom cu asi.

Plan-C cu kum 70 chung an hnawmtaam vialte kha thih le thih pi, nun le nun pi lawlaw in a cawl ding khi a si caah țihnung bik, fihnung bik dirhmun a si lai. Cucaah Plan-B ah mipi kan tlamtling ahcun Plan-C hi phanh pi hna lo ding in ramkhel kalning kha ralring taktak in tlaih khawh colh ahau te lai. Plan-B chung hi an thahripi cu asi.

Conspiracy Theory
****************
ချောင်းရိုက်ပူးပေါင်းကြံစည်မှု
Plan-C hi cu ahnawmtaam tuk mi a si i mah hi cu “thih lai ke cheih” kan ti phun khin an thawpi a cah lai i an cawlcangh ding mi khi a si caah ralrin cia tuk ahau mi khi a si.
Atulio hi kan raldohnak ah abiapit cemnak alaifang kan phanh lio a si. Tilian kan tan i ti lai ah kan dir lio asi. Hnulei kir ti loin chuak lak tan chih kan hauh lio caan a si. Kan kir si le kha vial kan vun tan cang mi, kan sungh mi lengluang vialte man ngei loin thil hnawm bang hlonh tak hna ding cu a si kho hrimhrim lo. Kan kir hmanh ah kan tan man ngei a si a hau.

Conspiracy Theory timi cu mi fir puh phun khi a si. Bianabia ah; ralhrang nih kanmah le kanmah buai hna seh ti a kan duh ahcun Chin mi kan upat ngai mi hna khi athlitein anmah nih an thah hna lai i cucu CNA/CDF a puh hna lai. Cun kan mah le kan mah kan buai lai. Palik nih mi inn ah bing an va chiah hram hram i anmah lila nih an va tlaih i inn-ngeitu pa kha bing na inn ah kan hmuh ti in thong an thlaak bantuk khi “Conspiracy Theory” cu a si. Cucu Plan-C ah hin Kawl ralhrang nih an hman hrimrhim te lai. An rak hman peng cang mi tactics zong a si fawn.

Ti lian laifang ah kan dir, chuak lak in kan tan ding ahcun pakhat le pakhat kut i tlai in zapi thazaang chuah in tan caan kan phan. Ral timi cu zei tluk in dah kan mah nih kan tuk khawh i kan thah khawh hna timi nak in, kan ral nih an kan tuk tikah zei tluk in dah kan in tuar khawh timi ah khin kan hmin le hmin lo cu a lang cem.
“Heh chet law mawh” ti ko rih hna u sih!
Victor Khen Sang