Shan ram Muse lei ah a kal mi SAC ralkap motor thil phurtu cu Lampi in MNDAA nih pawl nih tuzaan lei suimilam 3:00 hrawngah an khangh piak dih hna. Motor mawngtu zong a hmun ah an thah colh . Hi ka kiangkap ah a um mi mipi minung 2000 leng cu Muko khuapi ah ralzaam dirhmun in an i dor hna tiah theih a si.
Relchap:
CNA/F nih Gangaw-PDF an Bawmh hna, SAC Ralhrang 15 an Thi
Nihin September 10 zinglei ah Gangaw peng, Hnankha khuate pawng ah CNA le Gangaw-PDF i bawm in SAC ralhrang he kahdohnak a chuak i ralhrang 15 an thi, tiah tu zaan ah Gangaw-PDF nih thawng an thanh.
Nizaan ah Mintha ah PDF chungtel 13 le khuami 4 SAC ralhrang nih an rak thah hna.
“Thah a tongmi Mintha-PDF chungtel pawl ca ah lehrul kan cham khawh. Raldoh a kan bawmtu CNA ralkap minung 10 cung ah kan i lawm tuk,” tiah Gangaw-PDF nih cathanh ah lawmhnak an ttial chih.
Nihin zinglei kahdohnak ah SAC ralhrang lei mithi/hliampu an tam caah zaanlei ah thazaang tampi in Hnankha khua ah an rak lut i inn 30 hrawng an khanghpiak hna.
Nihin zinglei Hnankha khua pawng kahdohnak ah CNA le PDF lei in hliampu/mithi an um lo. The Chin Journal; September 10, Gangaw
Leave a Reply