Ei Ruk Le EiHmuar Hi Chief Minister Nih A Do Kho Lo Maw, Ziah Mizoram Zia Kan I Lak Mi Hi Chin Ram Nih LungFah Aawk Kan Thei Lo Maw

Chin ramkulh Chief Minister caah zeitluk midinfel dah kan hreh ti cu a ho poh nih kan duh i kan tuak cio mi a si lai dah. Chinram kulh cungah nawlnei bik an si tikah zeitluk in dah an bipit le mipi kong an ruah i, miphun dawtnak an neih tihi kan zoh awk bak a si. thleidannak le tluk ceo tein mi an daw maw a si loah zeitin dah rian an tuan tikha kan ruah hrimhrim a herh ko.

Pu Lian Luai hi thil tampi lakah a kong pakhat hnih in ka van langhter lai. A mah a tuan lio bak ah Hakha khuapi ah kha tluk khan ngaihchiatnak le mitthli tlak nak a chuak, si fak tete nih an ngeihchun i an renh mi inn le lo cu an hrawh piak dih hna, Cu lawng si loin Zophei lam kongah nawl a nei ko nain Pu Henrry Van Thio rih ruangah zophei mipi zong thinlung fak in a tuah dih hna.

Cu lawng si loin Thantlang peng batzet vialte cheukhat tikir caah an hman i a cheu khat te lawng thantlang peng pum pi nih kan hmuh, a ruang cu Pu Lian Luai nawl le bia a biapi tuk nain mi pakhat lungton lo nak cun Thantlang peng pumpi lung tong lo i nun a thim deuh.

Kan Pawngkam ram kan theih dih mi Mizoram hi eihmuar ke ning cang lo in a um bik an si i, Pu Zo Ram Thang nawl a cawl mi Pu Lian Luai hi a kuttang eihmuar nak le a thli til tuah mi ah a huhphen tu hna a si caah Pu Lian Luai bantuk eiruk nak le ziknawh nak a huhphen tu hi Chin Mipi caah cun thih si phunkhat a si. Tutan thimnak ah mah bantuk lungput a nei mi an tling nolh a si ah cun chin mi cu a tah i tap phu kan si cang lai.

 103 total views,  1 views today

This function has been disabled for Chin 11 News.