Ei cawklo, a hlei i kan hlawnh mi rawl le meh i san a tlai nak cu…ramtang i rawl a ttam mi ralzaam pawl nih an hngalh bik lai…

Ei cawklo, a hlei i kan hlawnh mi rawl le meh i san a tlai nak cu…ramtang i rawl a ttam mi ralzaam pawl nih an hngalh bik lai…
Hruk kan duh tilo i puanchia ah kan hman mi angki, tawhrawlh pawl i san a tlai nak cu …hruk ding a ngeilo mi ramtang i ralzaam pawl nih an theih bik lai…

A chia tuk rihlo nain danh kan duh tilo i kan hlonh mi kedanh pawl i, san a tlai nak cu, kedanh ngeilo mi ramtang i ralzaam pawl nih an theih bik lai…

Ruah a Sur tuk i, sianginn kan kai duhlo mi caan ttha hna i,,aman um ning kha ramtang ralzaam kan fale nih an hngalh bik lai…
Khi ralzaam pawl i an tuar ing mi hna kha, nangmah zawnruahnak te nih a phan khawh ve ahcun….!!!???
A rawl a ttam tuk mi kha, na eidin na cheu khawh ve lo roro ahcun, a mithmuh ah zeihmanh va ei hnawh ve hlah..cucu minung kan sinak…Savang Khawtlaih

Thawngdang>>>>.Kan ram buainak a caan a hung sau hnu in miharsa kan karh chin lengmang i, harsatnak kan ton chin lengmang kanmah khua le ram hmanh um ngam loin ramtang kip le hmun dang kip ah kan zam hna. Online in biahal nak a tam pi kan hngalh mi cu kan ral hi kan tei deng maw tiah kan mifim pawl kan hal lengmang hna. Lehnak an kan tuah mi cu kan tei dengmang cang an ti i nihin ni tiangin kan zaam peng ko rih.

kan mifim hna nih dehthlen loin a dik ning tein kan chim hna seh law mipi thinlung hi a dam deuh hnga. Kan mifim tampi zumh awk tha tyi loin mipi thinlung ah an um chin lengmang. Caan sau deuh kan ramkhel ning hi kan kal ko a si ahcun kan i hluhchuah kho lo men mi a si. Atu ning in cun kan ral hi zeitik hmanh ah kan tei kho hna lai lo i, harsatnak hi kan tuar peng rih ko lai.

A tu lio ah kan ram buai si zawtnak ruangah ramchung mi chim loin, kanmah chinram koko hmanh ah miharsa kan karh ning le zingzaan ei awk neilo in khua a sa mi an tamtuk cang. Ramdang in ralzaam bawmhnak a hmu ti lo mi khua an tam cang i nun sivang in a um mi an tlawm ti lo. A tulio dothlennak kan tuah mi hi a phi a chuah zau lo a si ahcun laimi hi zeidik kan lawh te hnga.

Crd…Pa Tluang

Be the first to comment

Leave a Reply

Your email address will not be published.


*