Dr Sui Khar Le Pu Lian Uk Nih Salai Van Bawi Lian Konglam An Chim Mi Cu Lung A Hmui Taktak

Tukum chung Thantlang le Hakha peng chung in MPs Candidate vialte hna lakah mino te a si nain ram le miphun caah biatak tein a cawlcang ko tiah ruah cio mi Salai Van Bawi Lian kong ah kan Laimi chung in mifim kan I ngeih mi hna Dr. Sui Khar le Pu Lian Uk nih an chim mi hi rak zoh hmanh.

Atu lio ah Salai Van Bawi Lian bantuk mifim, cathiam, mino a si pin ah duhtlin rian a tuan liomi nih a siaremnak (comfort zone) chuahtak in ramkhel rian a luh mi hi ram le miphun caah biatak thlak in rian a tuan hrimhrim lai ti a fiang. Cucaah hi bantuk mino cu kan tanpi cio awk le kan dirpi ding hrim a si” tiin Dr. Sui Khar nih cun Salai Van Bawi Lian kong a chim hi a si.

Pu Lian Uk zong nih a chim ve rih mi cu “Salai Van Bawi Lian hi ramdang University in MA awng mi a si i, a pa zong hi Aibur khuabawi ah mizapi nih an thim i an thimmi Aibur khuabawi lak ah riantuan thawng le thil thei bik ah fak ngai mi a si. A pa Pu Lung Peng hringtu a pi Pi Dar Bil hi Aibur ramukbawi Pu Chia Khar fanu a si. Catangsang awngmi le a hmuh tonmi tam in ramkip a kal mi a si pin ah rian lei ah hmuhtonnak tampi a ngeimi a si” tiah Pu Lian Uk nih a chim.

Cun a chim chap rih mi cu “Amah he Pu Siang Mang le Chinchin Pekthang hi Miphun caah kan bochan khawh ding hna an si. Kawl nih khin dar in ser mi thinghnah muisam a lo mi swe -lay ti mi khi, pura ah khin an thlai i mi nih cu dar thinghnah cu hnah sawhsawh cio ah an rel ko. Asinain dar thinghnah cu a rin tik lawngah dar thinghnah ti an theih. Anmah pathum hi darthing hnah bantuk in harnak le bia pipa a chuah tik ah hawi zapi zaran nak in an ral an ṭha deuh, thil a thei kho deuh mi an si i, miphun caah dong-dongmie in rian a tuan ngam ding an si” tiin Salai Van Bawi Lian kong ah Pu Lian Uk nih cun a chim hi a si.

(MP, 1990 Election, Hakha Tsp)