Dr. Sasa Zong A Lung A Fak Ko! A Celh Hrim Lo!

Kachin ram, Hpakan ah a cang mi thihnak rapthlak, a fak tuk mi puicimh nak kong he pehtlai in Dr. Sa Sa zong nih a lung fahnak le a ngeihchiat nak a langhter ve.

Dr. Sa Sa nih a ngeihchiat nak “Lungthin a kekkuai, rapthlak tuk mi puicimhnak le thihnak thawngpang kan theih cu celh awk a ttha cio lo. Minung 200 leng an tlau, leimin in a nenh hna ti a si i cu chung ah mithi ruak 120 lawng an lak khawh rih ti a si (Nizaan dirhmun). Thihnak a tong mi, an dawt tuk mi minung nih a liam tak mi, tantak mi chungkhar pawl thlaza kan cam piak hna. Nan ngeihchiat nak kan i hrawm pi ve hna i kan i tuar pi ve hna” tiah a tarlangh hi asi.

Nizaan Hpakan thilcang, rapthlak tuk mi puicimhnak le thihnak kong he pehtlai in Kawlram Cozah cu nizaan tiang ah dai tein a um rih, cu lio ahcun British Embassy Yangon nih an ngeihchiatnak, thihnak a tong mi le tantak mi chungkhar caah an lungthat lonak cu an langhter colh ve. Cu British Embassy cathanh cu Dr. Sa Sa nih share a tuah hnu ah a lungfah nak, ngeihchiat nak zong a tarlangh chin ve hi asi.

July 2.2020 zinglei suimilam 6:30am ah ruahlopi khin suikhor an cawhnak Gwi Hka Mare tlang cim mi ruang ah minung tam taktak an nunnak a liam.

Nizan chun suimilam 12:00pm tiang ah khan ruak 113 hmuh an sii, nawl ngeitu nih anchim ning ahcun minung 200 lengkai zawng ah si kho tiah anrak chim. Nawl ngeitu nih an zumh ning bantuk tein tuni July 3.2020 ahcun vawlei nih a cimh ruang ah a thi mi ruak 219 bak hmuh an si.

Minung 25 cu hliamhma fak taktak he hmuh an si i, a ran nak in sizung ah thlikpi cawlh an si. 2019 kum chung ah khan suikhor cawhnak tlang voi 46 arak cim i minung 40 reng lo nunnak arak liam tiah theih a si. Nawl ngeitu nih an chim ning ahcun tuni accident chuak mi hi Phakanh suikhor cawhnak ah mithi an tam cem a si tiah an chim.

Phakanh suikhor cawhnak ah khin Kum chiar tein minung tampi suikhur cawhnak tlang cim ruang ah mi tampi nunnak a liam lengmang tawn. Tuni July 2.2020 ah Kachin pyine Phakanh myone Saih Hmu Uksuh, Gwi Hka Mare ah suikhur an cawhnak tlang a cim i minung 100 leng an nunnak a liam tiah anrak chim ko nain tuni July 3 ah cun mithi 219 hmuh an si cang.

Hi Hpakant lei minh nak in a thi mi hna lakah Chin mi chung in minung 4/5 hrawng an i tel ve ti a si nain an konglam fiang in hlat khawh mi a um rih lo.

 297 total views,  1 views today

This function has been disabled for Chin 11 News.