Dr. Sasa Nih NLD party kong a chimmi cu a fiang bak ko!

Dr.SaSa nih NLD Party sin lawngah aum ti bak asi ko hih!

Chin ramkulh NLD party an karh khawh nak hnga Central NLD nih palai i an hmanmi Dr.Sasa nih cun Chinram ah ramdang bomhnak hmangin thanchonak tampi tuah a duh nain, Rampi ah cozah a tuah kho ding party he lawng tuah khawh a si nak kong, miphun party nih a tiuh khawh mi a tlawmtuk nak kong cu Online i biachimnak ah mipi sinah a chim.

Dr.Sasa nih “Tlangcung party pawl nih cun ziangtik hmanhah rampi cozah an dirh kho lai lo. Thancohnak taktak tuah kho tu cu rampi ah cozah dirh khotu party lawng a si. Cu caah Chin mipi kan dih lakin rampi ah cozah dirh kho tu ding party lawng vote ding kan si. Zeicahtiah phung hrampi thleng hlan chung cu miphun party nih ramkulh ah tuah khawhmi taktak a ngei lo, an tuah khawhmi cu tlawmte lawng a si. Rampi ah cozah a dirhkhotu nih President a ttuan lai i, president nih ramthen le ramkulh cozah a dirh lai.

“Cucaah rampi cazah dirhkhotu kan dirpi lo ah cun Chin ramkulh tthanchonak caah ramdang bomhnak phaisa rampi kan chawnhbiak cang mi zong ttihnung ah a cang kho. Party tuah tikah miphun le biaknak zong hmang ding kan silo. Kawl party ,tlangcungmi party tiah kan i ti hna i, kan i el hna tikah ningzak tuk kan si. Politics timi cu i huatnak ding a silo, kan i dawtnak langter tu ding a si deuh.

“Nationalism timi miphun duhdawtnak cu thinlung in a racuakmi duhdawtnak taktak a si. Huatnak in a rak chakmi duhdawtnak a silo. Kei zong Chinram chin mipi ka duhdawt tuk ruangah ram nuam le ram tha in Chinram ah ka tlung i, kum 13 chung ti khawhtawk in rian ka rak ttuan. Cucu Chinram le chin mipi ka duhdawt tuk ruangah a si i, ka nunnak tiang pek in rian ka rak ttuan.

“Tulio Myanmar politics kan zoh tikah party pakhat le pakhat i dohnak le i soiselnak a tamtuk tikah ngaih a chia ngai ngai. Party paKhat le pakhat dohkalh i, i soisel hi miphun duhdawtnak a silo. pakhat le pakhat dohkal ding a silo. Mipi nih kan theih i, kan fian dingmi cu rampi ah cozah a tuah khotu ding party lawng vote ding kan si. Zeicatiah rampi ah cozah a dirh khotu party lawng hi thanchonak taktak tuah khotu an si,” tiah a ti.

Dr.SASA