Dr. Sasa Nih Kawlram mipi hna dihlak sin biacahnak a ngei. Tutan August 9, 2021 ah tuah ding mi, mipi hmai ka chim ding mi hi a biapi tuk ve mi a si tiah a langhter. Tutan Dr. Sasa nih a pumpak social media in thlacam sawmnak a tuah mi cu, NUG Cozah, ramdang pehtlaihnak lei zong nih a thar in, thlacam sawmnak an rak langhter chin than mi asi.
Hi kong he pehtlai in an langhter ning ahcun “ Dr. Sasa cu Myanmar minung, Myanmar tefa hna nih Democracy ram kan co, kan hmu kho lai maw” timi tlangtar in Japan ah biachim ding in timhtuah a si.
Tulio kawlram dirhmun, Kawlram mipi caah ruahchannak le zeidah ramdang Cozah nih bawmh an kan herh ti bantuk vialte fiang tein langhter khawh aa zuam lai. Cun a biachim ding mi timhtuah nak hi Japan Myanmar Friendship Association timi nih endorsed an tuah mi a si caah a biapi ngai ngai mi asi.
Relchap: Relchap: Magway ramthen, Tawngdwingyi ah ralhrang pakhat cu zu a rit caah ,khuachung mi pa pakhat cu a ruang um lo in meithal in a kah tiah theih a si.
” Office of Education hmai ah nizan zaanlei suimilam 4:00 hrawngah khuachung mi pakhat cu sii caw ding in a kal lio ah rallokap pa nih cun na kal kho lo a ti, sii caw ding pa cu luh/chuah khawh nak nawl card zong a ken i sii cawk ding ka herh taktak ko tiah tha ten in a chimh ko nain, rallokap pa nih cun ka chim mi na ngai duh lo tiah meithal in a kah nain a kheng lo, cu tlawmpal ah cu ralhrang pa cu rallokap motor in an kal pi” tiah a hmu tu pakhat nih a chim.
Cu rallokap pa cu kum-50 luan hrawng a si.“Cu ralhrang pa cu zurit bu in a luancia nihnih hrawng ah khan sii-inn ah i zohter ah a kal mi hna zong nan kal kho lo tiah a kham hna i,phaisa a hal hna, 3000 an pek hnu lawng ah a thlah hna.Lam ah a um kal mi cheukhat cu bia ngeih awk tlak lo in a hro hna ,a zurit chiat he ni fatin ti awk in zu a ri” tiah neihniam mi pakhat nih a chim.
Tawngdwingyi khua cu ralhrang nih Stay at Home ding in ri an khiah i, ri khiah nak leng in leng a chuak mi hna cu zei biahal nak um lo in ralhrang hna nih nifatin ngawt in tuk velh nak a um tiah khuami hna sin in theih a si.TCP
Leave a Reply