Dr. Sasa Nih Min Aung Hlaing A Ti Ning Cu A Fak Taktak!

Dr.Sasa cu Sky News nih interview an tuah. Mah interview ah cun Dr.Sasa nih Min Aung Hlaing nih a ton dingmi thil a chim. A timi cu, kawlram mipi hitluk kan tertuar, ralkap nih an duh poh in meithal in an kan kah, an kan tukmi hi International community nih action a lak hna lo ah cun, ramchung mipi cu mah le mah I vennak an tuah ve cang lai tiah a chim.

Cu tikak ah cun, mithah lainawngtu Min Aung Hlaing le a kuttang hna cu Muammar Gaddafi, Saddam Hussein le Osama bi Laden hna bantuk in tlaih an si lo ah Thah an si ve lai tiah ati.

Colonel Gaddafi hi mipi nih an rak tlaih I, October 2011 ah rak thah, Saddam Hussein hi December 2006 ah, Osama bin Laden hi 2011 ah thah asi ve. Nihin ah Dr.Sasa nih US, UK, Europe le ram innpa a simi India le China hna cu kawlram kongah biatak tein cawlcang dingin a ti hna. Credit: Daily Chin Star

Relchih ding: CDM caah fundraising a tuahmi vialte hna nih “Global CDM network” ah nan itel khawh cio ahcun a tha tuk lai. Khawika dah Phaisa kan kuat lai? Zeidah emergency in khuakhan a herh ti bantuk, information” ipeknak le ruahnak ipeknak ah kan pale nih an tuahmi a si.

Ram chung lei CDM cawlcanghnak hi biatak tein Ralkap nih an hlat cang hna caah, an caah riantuan a har chin lengmang. Cucaah, CDM Phaisa kuat zat le thawhzat zong tbk vialte kha zapi/ Public ah langhter ti loin, “Global CDM Network Tu” ah report pek cio a tha bik. Credit: Zasang Cinzah