Dr. Sasa Nih Lih i An Puh Nak Cu Mak Takin A Leh Ve!

A tanglei hi Dr. Sasa an puh (accuse) nak a si. Rel law Dr. Sasa nih zeitin a leh ve a tang cem ah na hmuh lai!

Dr. Sa Sa tiah mipi nih hngalhmi Maung Taing San hi Armenia ram Yerevan State Medical University ah siibawi a rak kaimi a si.

1. Hi Sianginn a kainak ahhin India Citizenship aa tlaih i India Passport in sianginn a kaimi a si. Cucu Kawlram zong siseh India nih siseh an pom veve lomi a si.

Cun Yerevan State Medical University ahcun camipuai rak sungh caah voi hnih tiang phit thannak nawl an pek nain a phit duh tilo caah sianginn kan phuah tiah an sianginn nih 2008 September thla ah ca an rak chuah. Cucu a tang i Mirang ca in ka thil chihmi khi a si. Cuka a sungh hnu cun England ram lamkam sianginn cozah zong nih
hngalhpi set lomi in siibawi degree cu a lak.

Mautam bawmhnak kong i thil sining hlat ruah ah Mizo ram Aizawl khuapi ah Mirang nu he an phan. Sihmanhsehlaw Mirang nu cu hotel chungah a erh i Mautam bawmhnak ca rian a tuanmi Community leader pawl siseh hartong mi hna he zong tonter duh loin amah lawng nih a ton hna i information vialte amah lawng nih aa hum dih.Cu ruangah mirang nu nih a thlahtu organization sinah report a tuah i fak piin an rak buai. CHRO nih hi kongah a chung thil sining an phuan duh rih lomi a tampi, Cherry Zahau zong nih a herh ahcun a phuan te lai ka zumh.

Lailenpi khua i Airstrip an tuahmi khi Mission Avation Fellowship nih an tuahmi a si i cucu England Siangpahrang chungkhar nih bawmhmi bantuk hna in Dr. Sa Sa nih England Siangpahrang te chungkhar he hman an ithlakmi hna facebook ah post in ca a rak tial caah MAF cu biatak tein an ngaih a chia. An lung a fak i January 7, 2020 zongah Yangon ah Press release an tuah i thil sining an fianter. A herh rihmi USD sing hnih fai ca zong thawh an duh set tilo caah tu tiang rian aa lim khawh lonak a si.

2015 Hakha kokek puicimh le harton lio zongah US embassy hmai i hman aa thlak tthingmi kha ipost zau in Hakha nan lungrethei hlah uh bawmhnak cu zat kan hal piak hna tiah a post. Cu kongah a tawlreltu upa tampi zong an ngaih a rak chia.Hakha Rescue Committee nih Hakha kokek harnak ca bawmhnak a pemi cazin an khumh mi chungah Dr. Sa Sa min hrimhrim aa tel lo.

Hi vialte an puhmi hi Dr. Sasa nih cun Khrihfa bantukin a let. ” I once again appeal to all my beloved people to please stop spreading the fake news, personal attacks and hate speeches. May God Bless our people and Country.” “Ka dawtmi ka miphun vialte sinah nawl kan duh thanmi cu lih thawnpang zamh le keimah pumpak huatnak le dohnak hi ngol hram u. Pathian nih kan miphun le kan ram thluachuah hram seh” tiah a leh hna.