Dr. Sasa Le Mindat CDF Kongah Fianternak!

Dr. Sasa le Mindat CNF: Chin ramkulh Mindat CDF pawl cu raltuk an thiam tuk i Kawl ralkap minung 29 an thah cang hna. Nihin ah ralkap minung 29 cu an ruak an vui hna.

April 24,2021 zan ah kahnak a chuak i Kawl ralkap pathum an nunnak a liam. April 25,2021 cu dai i April 26,2021 zanlei ah an i kap than i Kawl ralkap 13 tluk an thi. Cuticun din lo ti awk in an i kap i April 27,2021 zan tiang an i kap. Kawl ralkap a thimi minung 29 an tling. Hliamtuar tam taktak an um.

Mindat CDF pawl cu Dr. Sasa nih a fak hna, upat a pek hna. NUG cozah i ramleng palai a simi Dr. Sasa nih CDF Mindat pawl cu pasal tha upat awk a tlak a ti hna. CDF pawl hi CNF nih tintan pekmi an si i CNF thithruainak tang ah a ummi an si. NUG cozah nih nitlak lei poh hi CNF nih tuanvo la uh an ti hna bantuk in Chin ramkulh poh cu tuanvo an lak lai.

April 28,2021 belte hi Kawl ralkap pawl ruak an vui lio a si caah kahnak a dai rih. Zan ah zeidah an lawh lai theih a si rih lo. Matupi CDF pawl zong cawlcangh an i tim ve cang. Cathanh an chuah cang. Kan Chinram ah Kawl ralkap ningcang loin nan um ahcun kah colh nan si lai tiah thawng an thanh ve cang hna.

CDF cu biatak tein CRPH le NUG cozah zong nih an theih mi le thazang an pekmi a si. Hakha le Thantlang mino tampi zong CDF ah an um hna. Timh cia tein na um cang hna. REF: TCS

CNA News hna nih laimi nih kan I zohthla tukmi Dr. Sasa cu bia an hal ii a chimmi tlawmpal kan vun langhter lai. Dr. Sasa nih a tutan ah CNA News sin ah ralttha taktak in a za cang kan ti asi ahcun a za cang ti kha asi ko cang tiah achim. Cun achim rihmi ahcun ralhrang mi tthalo hna kut tang ah nun nak in cun thih hmanh kan duh deuh mi kha asi ko. Aruang cu kum sautuk mi tthalo an si cu ahopoah nih kan theih dih. Cu caah an kut tang um le an nawl ngeihnak tangah um kan duh lo ati fawn.

Cun vawlei cung caah zeidah biacah na duh tiah CNA News nih bia an hal ii ramchung ral cu aa thok cang. Mipi a phu phu I thah nawn nak hi a chuah ding ttih anung tuk. Cu bantuk in a chuah sualnak hngalo, CRPH nih kan dirhmi International Community nih nan kan dirpi ahau. Atu tehin annan kan dirpi locun mipi aphuphu in an thi kho tiah achim fawn.

Cun Myanmar ram kong he pehtlai in achim rihmi cu Myanmar ram ralkap hna hi nan bia lawngin chi tiloin action hrimhrim in nan lak ahau cang ati. Action nan lak lo ahcun a tlai tuk sual telai, atlai tuk hnu action lak hna cu zeisan atlai tit e lailo tiah cun achim mi asi. Hi hi CNA News pawl nih Dr. Sasa biahal nak an tuah nak a chimmi asi.