Thinlung a thawng chin lengmang ko, Dr.Sasa nih kawlram mipi 54million sinah hitihin bia achim; A tu ahcun ralhrang hna hi kan tei deng mang cang i hlawhtlinnak kan hmu deng cang. Dr.Sasa keimah nih kawlram mipi hna sinah a bik in chim ka duh mi cu Kawlram mipi vialte hna nan thachia hrim hrim hlah uh. A tu cu harnak fak piin nan tong ko lai ti hi ka theih ko, nain mipi hna nan dih lakin i hne cuau muau rih ko uh.
Kan ram um kal ning cu kanmah hi ralhrang a dotu cu kan si i, hnu lei kir than ding cun a si thiam ti lo. Nihin kan khual lam thluan zoh tikah a nai tuk cang. Cu Caah mipi kan caah a biapi bik mi cu kan dihlakin lungrual tein um hi a si. Mipi kanmah le kanmah i bawmh caan a si. A tu ahhin kawlram pi cu a har bik nak caan a si nain kan ram hi federal kan hmuh tik ahcun Japan le South Korea te pawl nakin Sipuazi lam a tha deuh mi ram a si ti hi mipi nih kan theih awk ah chim ka duh.
Kawlram mipi cu ralhrang ruangah zeihmanh a tuah kho lo caah tlangcung mi le kawlrawn a um mi mipi hna nih lungrual tein ralhrang uknak kan doh hna lai. Kawlram mipi hna, a tu hi ralhrang ruangah kawlram cu a har hringhran ko nain kan dihlak tein lungrual in do tti hna usih. Covid zawtnak rai zong hi do tii hna usih. A tu kan dirhmun hi har hmanhsehlaw hmailei ah nuamhnak caan kan phan tikah hmunkhat le lungkhat tein kan i nuam te hna lai, kan duhmi chimrel le tuanti caan kan phan te lai tiah a chim. Dr Sasa hi Pathian nih damnak pe chin chin ko seh.
Leave a Reply