Dr. Sa Sa Nih Saya David Lah Kong Ah A Celh Lo Nak Le Thazaang Pek Nak A Rak Chim

Ka dawtmi unau, hawikom le ka Pastor, Rev. David Lah, Yangon police nih na kut ah kutkhih an i khih mi ka hmuh cu ka celh hrim lo. Covid-19 ruangah sual puhnak le sualnak a ngeilo sual tuahpiak mi nih a kan hrawh cikcek cang. Mi tlawm u thleidennak hi upadi he aa tlak lo i cohlan khawh zong a si hrimhrim lo.

Ka dawt mi ka hawi, ka unau le ka Pastor, kan zate in na caah thla kan in campiak. Kan Pathian vel hi kan caah a za hrim ko. Amen! Tihnung muihnak chung ah a bia in kan thinlung mei ceu ter than ko usih.

Matthai 5: 11-12 “Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah! * 12Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

 145 total views,  1 views today

This function has been disabled for Chin 11 News.