Dr. Ram Ceu Hnin Nih A Konglam Le A Dirhmun Fiang Tein A Rak Tial Cang, Thazaang Pe Cio Hna Usih

Note: atanglei hi Dr. Ram Ceu Hnin nih tukum 2020 thimnak ah ai tel nak ding kong le amah pumpak sining fianter nak a rak tuah mi a si.

Chin Miphun le Chinram a dawmi Chin mi ram chung ram leng um ulepa, ulenau vialte Bawi Khrih min in nan kut kan tlaih hna. Keimah cu 2020 Ramkomh Burma ram pumpi thimnak ah Hakha peng thimfung hmun no. 1, in Amyotha Hluttaw ah aa cuh dingin CNLD-CEC nih fehtermi Candidate ka si. Kan miphun le ram caah riantuan aa timmi ka si bantuk in Chin mizapi nih a lamkip nih dirpi a herhmi nan unau ka si. MP ka tlinnak ding ca tiang lawng siloin nan ka thim ahcun hmailei ka riantuannak vialte zongah mizapi a aiawh taktak i ram le miphun caah dinfelnak he a tha bik in rian ka tuan khawhnak ah dirpi zungzal ka herh lai ti zong hika in sawm le bawmhhal kan duh cia hna.

A tanglei ah ka konglam tawifiannak tein theihhngalhnak aa tuahmi a um i hmailei zongah pehzulh in interview pawl siseh kan miphun caah ka saduhthah le lungum bia pawl zong hika page in ka rak thlah lengmang lai caah carel nak in siseh midang sin share chinnak tibantuk a lamkip in nan ka dirpi nak lai zong kan sawm chih hna.

Upatnak nganpi he,

Dr. Ram Ceu Hnin

Keimah Cu Dr. Ram Ceu Hnin ka si. Ka pa Pu Van Awr (Zokhua) le Ka Nu Pi Hniar Meng (Sakta)an si. 1976 May 4 ah ka chuak i unau panga lakah upabik ka si.
Ka Nu Pi Ni Cer Chin (Hripi) Pathian nih fanu rosung pathum a kan pek i 2017 March 11 ah kan Nu nih hi vawlei nunnak in a kan kal tak.

Sianginn kai nak: BA (Law)-Monywa University, Myanmar

: M. Div- Trinity University of Asia, Saint

Andrew Theological Seminary, Quezon City, Philippine

: D. Min-Philippine Christian University (PCU), Union Theological Seminary
(UTS), Manila, Philippine

Riantuannak : Assistant Church Pastor and Mission Field Director – Kyarinn Baptist Church

(2003-2015)

 492 total views,  1 views today

This function has been disabled for Chin 11 News.