Dr. Ral Buai Nih Tikir Hi A Soisel, Thangchiat Si Loin A Uhttanh Hna Bia A Si!!

Kan hnu lei Kawlram thimnak kongah Tirkir Khua nih VP Van Thio mee an pe dih lomi kongah thil a si lo deuh ningin catial tete a um pah. Dr. Ral Buai nih Tikir khua a thangchiat mi hi cu aipalh ko tiah a ruatmi an um.

Dr. Ral Buai nih hin Tirkir hi a thangchiat a si loin, A fale a uhtanh hnana bia si deuh tiah a ruatmi zong an um ve thiamthiam. Hi kong he pehtlai in a tangah Pu Than Hmung tialmi le Steven Khup Er nih comment an tuahmi hi a tutan Tikir kongah ahcun a dik bik rua tiah keimah zong nih ka ruah ve mi a si.

Pu Than Hmung:- Thangchiat le uhttanh hi a chuahnakhram aa khat nain antheipar an i dang. Thangchiat i a theipar cu huatnak, ralnak le remlonak hna an si. Uhttanhnak i a theipar cu i theihthiamnak i remnak le i dawtnak hna an si. Dr. Ralbuai nih Tikir kong a chim mi hi an thang a chiat hna siloin a fa le dirhmun in a uhttanh hna nak bia a si. Biafiang a theih hlan deuh zong ah a va si ko lai nain zei a va si paoh ah ruah piak thiam awk a si ko.

Steven Khup Er:- Pu.Dr.Ral Buai nih Tikir khua athangchiat mihi cu aipalh deuh ko.Ziah VP.Henry Van Thio le Dr.Anna Sui Hluan cu Afa le taktak pei ansi ko cu. Ziah ankhua Vuantu ah mee asungh ter nehna.USDP nih pei NLD cu mee tamtuk in atei kokha.Afa le hmenhpei attenpi khawh hna lokha. Tikir khua nih cun mee tamtuk in teinak kan hmuh piak hna dakaw. Laknak: Chum Awi catialmi chungin comment pahnih!!