Dr. Ngun Cung Lian Nih Dr. Sasa Cu Ceilak A Phomh Ko!

Dr Sa Sa nih Kawlram cu NLD thawngin Democracy le party dang tete zong an chuak a ti mi kong ah Dr Nung Cung Lian a thin a rak phawh ngai ko hih. Dr Sa Sa nih mah bia a chim mi ruang ah cun Dr Ngun Cung Lian nih lak awk tlak lo bak in Dr Sa Sa cu a rak phomh cawlh ve hi a si.

Dr Ngun Cung Lian nih a chim mi cu “Kawlram ramkhel kong ah David Lah thong a tlak kate ah a rak chuak mi pate a si I, a nu hnuk a din pah tu tein NLD ti lawng a chim thiam rih mi, hngakchia pate a si. Ngaithiam ko uh..Ka rawl a tam, ka ti a hal , ka ek a chuak ti a chim duh poh ah NLD NLD tiaha au thiam kate a si” tiin Dr Ngun Cung Lian nih Dr Sa Sa cu a rak phomh hi a si.

Kan theih cio bantuk in Dr Ngun Cung Lian le Dr Sa Sa hi Doctor veve an si ko nain an cawn mi le an doctor sinak cu ai dang. Ramkhel lei ah cun Dr Ngun Cung Lian cu pafim le bochan tlak taktak a si ve ko. A ruang cu a cawnnak le a kalpi mi hoih a si ve caah a si ko.

Asinain Dr Sa Sa hi cu sii-ai le doctor a si caah mizaw le ngandam lo mi hna caah cun bochan tlak taktak le hngatchan tlak taktak  a si ve. Cu ruang ah a tubantuk in Dr Ngun Cung Lian nih mihrut le hngakchia taktak bantuk ah a ti mi hi cu a bia hi a luan deuh ngai ka ti.