Dr. Hmuh Thang Hi A Ho Dah A Si?? By Pu Lian Cin

A cunglei bia hal nak hi, mi tam deuh nih cun, Dr. Hmuh Thang cu Sibawi a si, USDP party a si tiin leh a si hnga. A si nain Dr. Hmuh Thang i a chunglei thawnnak (potential) hi mikip nih theih khawh a si lem lai lo caah Dr. Hmuh Thang kong tlawnpal vun langh ter a herh rua tiah ka ruah.
Dr. Hmuh Thang cu Sibawi a si i Tonzang ah kum 2, Falam ah kum 3, Thantlang ah kum 8, a dihlak kum 13 cozah rian a tuan i cozah rian tuanning tha tein a hngal mi a si.

Cozah sin rian a tuan lio in nihin ni tiang ah Myanmar Medical Association ah member a si i Myanmar Medical Council member a si rih. Hi Council nihhin Kawlram pumpi Healh lei i hruaining cawlcanghning a tlai tu a si. Cun Myanmar Red Cross ah Secretary rian kum 12 a tuan. Chim duh mi cu Dr. Hmuh Thang cu Pithawngsu Vuanci ah Health Vuanci rian hmanh tluang tein a tuan kho ding mi a si.

Laimi le Khrihfabu hi aa then kho mi a si lo. Khrihfa Biaknak nih kan miphun a kilkamh, kan bia kan hla, kan nunphung le kan ca a kilkamh, a nun ter. Cu caah miphun a daw mi poah nih Khrihfa cawlcanghnak ah an i tel cio. Dr. Hmuh Thang cu miphun a daw mi a si caah, Lairam Biaknak lei cawlcanghnak poah ah aa tel i bochan mi a si.

Tahchun nak ah Chin Baptist Convention(CBC) ah EC member, Chin Theological College ah Board of Trustee, CCLS (atu CACC) ah Treasurer, CACC ah Board Of Director a si i 2018 in atlagre in nihin ni tiang, CCU ah Board of Trustee nihin ni tiang, TABC ah EC (2018 in atlarge), 1983 1990 tiang Thantlang Baptist Church ah Treasuser le 1997 in 2009 tiang Church Chairman, Hakha Thantlang hrawng sermi committees a phunphun, hmun 20 tiang a tel pi hna. NU le pa dirhmun in, caan pek, retheih, phaisa dih, in a nung mi pa a si.

Dr. Hmuh Thang hi “Patriotic” timi miphun a daw taktak mi long si loin, National politician a si tiah vun langh ter ka duh rih. Patriotic a si tihi cu a cunglei bia nih fawi tein a fian ter ko rua tiah ka ruah. National politician timi ah… Politic ah bia pahninh a um tawn. Party politic le Natianal politic an ti theu. An hrilhfiah ning aa dang cio lai na in a fawi in chim ahcun party politic cu party nih a dirpi mi chung long fak piin an cawlcang, National politic timi cu miphun caah a tha a rem tiah ruahmi rian ah a herh tining in a cawlcang mi an si tiin a fawi nak in chim khawh a si.
Mahsahlah chan ah mikip niih politic luhkhawh tuankhawh a si.

Cozah rian tuan zong party, council ah tel khawh a si. Cu caah mifim mithiam , bochan mi cu, party council ah luh dih an si. Dr. Hmuh Thang hi Thantlang ah sibawi in a rak i thial tikah, Thantlang nih an zumh, an dawt i Party Nilakhan Kuzale tiang tuanvo an rak pek. Cun Chin Pine Council Member (part time) dirhmun tiang in tuanvo an pek. 1988 kum in Mahsahlah uknak a rawk I 1990 kum ah election tuah a si. Hi lio ah Dr. Hmuh Thang cu Pary election luh aa tim lo. Dai tein cozah sibawi rian tuan aa tim. Sihmahsehlaw Thantlang NLD nih “election ah NLD Candidate nih NUP Candidate a tei lai lo caah na rian in chuak law NLD in nangmah kan in tar lai” tiah chunzan in an sawm. Thlakhat aa ruat hnu ah, a pom hna i cozah rian in dinhnak sawk ah, Rgn ah thlahnih a um. Rian chuahnak order a hmuh hnu ah Laitlang a kal. Thantlang phak hlah an NLD nih midang pakhat an thim. NLD nih bia an khiah cia mi an let duh ti lo. Cu ticun cozah rian in le a chuak, NLD nih le an deuh, tikah a vaivuan. A hnu ah, amah a daw mi upa hna nih Independence in an dir pi i1990 elction ah Mp a hmuh.

1990 Election cu Upadi ser awk ah tuahmi Election a si bantuk in 1992 ah Amyota Ngilakhan Tawlreltu minung 27 an thim hna i aa tel ve. 1993 in 2007 tiang, kum 14 chung, Upadi suainak Amyota Ngilakhan ah aa tel. Hi lio can ah MI nih vui tampi zantim ah an auh, an hro, an cer, A si nain a dirhmun a chim peng. Kawlram tuanbia ah theihtlei awk a si mi pakhat cu, Ngilakhan ah chuahpi mi catluan hi Dr. Hmuh Thang a chuahpi hlan ah, ni 5-6 chung, censor tuah piak a um lo. Dr. Hmuh Thang nih catlaun a chuah pi hnu ah censor an tuah. Chim duhmi cu tlangcung mi le kan dirhmun kha fak ngai le raltha ngai in a chim ngam caah a si ti nak a si. 2008 constitution fehter nak committee zong ah aa tel ve.

A chim theu mi cu 2008 hi kan chimmi aa tel mi a um bantuk in kan duh lo mi zong tampi aa tel ve. Remh hau mi a um len ko a ti tawn. Politic cu rili cung a vuanmi thingluang bang in a tum, a kai, a pil, timi myo a ngeih caah a professional a si mi Doctor rian tuan, Private sizung nganpi sak, ti bantuk saduh a that tawn, Cu ticun 2010 Election ah luh zawng aa tim na loin Election hlan thlahnih a duh ah, USDP nih, vui 5-6 tiang an sawm caah 2010 Election ah a lut ve. Cu ticun 2010 Election ah Thantlang Mp a sung, 2015 election ah Thantlang in a hmuh than. Hi NLD Lai Cozah sin zong ah, paa caan in an hman i Plainning and Finance committee ah Chairman tuanvo zong a lak piak hna.

Cu caah Dr. Hmuh Thang bantuk in minung kan ngeih hi kan van a tha. Kawlram politic thlihran zoh tik party pakhta long nih cozah a ser kho ti lai lo, tihi politic a ngiathlai mi kip theih a si. Hi bantuk can ahhin Dr. Hmuh Thang bantuk, miphun dawtnak le dinfelnak le sumpathy. empathy in a nung mi pa, hnu he hmai he thil theimi thil tuaaktan kho mi pa, hi philh lo awk a si hnga A biapi mi cu Thantlang khuami le Zophei, Lautu le Miram peng ummi nih Dr. Hmuh Thang hi nan dawt awk a si tiin ka bia ka dongh ter.

 447 total views,  2 views today

This function has been disabled for Chin 11 News.