Dr. Hai Vung Lian Hnu Bik Thawngpang Le A Dirhmun

Dr. Hai Vung Lian damlo nak kong ah miphun dihlak ti awk tluk in thinpang le ngaihchia in kan rak um hna. Asinain nihin tiang ah cun dam lei a panh ciahmah ko timi thawngpang hna kan theih than caah Pathian min kan thangthat cio. A rauhhlan ah damnak tling a hmuh khawh nak hnga ding zong ah zumtu hawidawt hna, thlacam nak in bawm rih ko hna usih.

Pathian dawtnak thawng in le pakhat cio nan thlacamnak thawng in tu zing ah Doctor te nih Rev. Dr. Hai Vung Lian cu ni dang nak in a let 10 tluk in a thangcho e tiah thawng an kan thanh. Amah tu cu hngilhnak si an pek peng ko rih caah lungfimlo in a it ko rih.

Oxygen level zong amah ah 95 – 100% kar hrawng ah a um peng ko. Seh in zeimawzat hrawng cu an pek chih peng rih. Hitining tein thancho lam a panh ciahmah ko ahhincun caan raulo teah damnak tling zong a hmu than ko lai tiah ruahchannak nganpi kan ngei ko.

Thla a kan campiaktu vialte nan dihlak cungah kan i lomhnak kan chim cawk lo. damnak tling taktak a hmuh khawh nak hnga donglo tein thlacamnak in kan bawm hram ko rih uh. Bawipa nih thluachuah in pe hram ko hna seh! ( Richard Ngun Lian ).

Laknak: Paul Lian’s fb